پاکستان تحریک انصاف کے بانی چیئرمین عمران خان کے قریبی ساتھی زلفی بخاری نے کہا ہے کہ القادر ٹرسٹ کیس میں سابق وزیراعظم کے خلاف گواہی دینے کے لیے شدید دباؤ ڈالا گیا۔ برطانوی ادارے دی انڈیپنڈنٹ کو دیے گئے انٹرویو میں انہوں نے بتایا کہ مقتدرہ کی جانب سے ہر قسم کی پرکشش ڈیل کی پیشکش کی گئی، جسے میں نے قبول نہیں کیا۔ اس کیس میں نامزد ہر شخص کو عمران خان کے خلاف گواہی دینے کے لیے مختلف ڈیلز کی پیشکش کی گئی، لیکن خوش قسمتی سے نہ میں نے اور نہ ہی کسی اور نے اسے قبول کیا۔

زلفی بخاری نے مزید کہا کہ گرفتاری کے خدشے کی بنا پر عدالت میں پیش ہونے سے انکار کے بعد مجھے کیس میں بطور مدعا علیہ شامل کیا گیا۔ میرے گھر والوں کے اغواء اور ہمارے کاروبار کو تباہ کرنے سے لے کر بینک اکاؤنٹس منجمد کرنے تک مجھ پر دباؤ ڈالنے کے تمام حربے استعمال کیے گئے۔ انہوں نے کہا کہ 190 ملین پاؤنڈ کی رقم سپریم کورٹ میں جمع ہے، جس پر سود بھی حاصل کیا جا رہا ہے، اس لیے یہ سارا بیانیہ بالکل بے بنیاد ہے۔

ان کا کہنا ہے کہ یہ کیس القادر یونیورسٹی کے قیام کے گرد گھومتا ہے، جو اس وقت طلبہ کو تعلیم فراہم کر رہی ہے۔ یہ ایک غیر منافع بخش تنظیم ہے، اور عمران خان اور ان کی اہلیہ اس سے کسی بھی قسم کے مالی فوائد حاصل نہیں کرتے، نہ وہ تنخواہ لیتے ہیں اور نہ ہی کوئی معاوضہ لیا جاتا ہے۔ یہ اس وقت مکمل طور پر غیر منافع بخش ہے۔

رواں ماہ سے نظام شمسی کے 6 سیارے ایک قطار میں نظر آئیں گے۔

ماہرین فلکیات کے مطابق مریخ، زہرہ، زحل، مشتری، یورینس اور نیپچون آج سے ایک قطار میں نظر آئیں گے، جبکہ 28 فروری تک ان میں عطارد بھی شامل ہو جائے گا۔

مریخ، مشتری، زحل اور زہرہ کو براہ راست آنکھ سے دیکھا جا سکے گا۔

اس عمل کے دوران سیاروں کا قریب سے جائزہ لینے کے لیے خلائی دوربین کا استعمال کیا جا سکتا ہے۔ سیاروں کا اس طرح ایک قطار میں ہونا ’سیاروں کی پریڈ‘ کہلاتا ہے۔

برطانیہ میں ففتھ سٹار لیبز کی سائنس کمیونیکیٹر اور ماہر فلکیات، جینیفر میلارڈ نے کہا کہ سیاروں کو اپنی آنکھوں سے دیکھنا ایک منفرد تجربہ ہے۔

انہوں نے کہا کہ یہ درست ہے کہ آپ گوگل پر جا کر ان تمام سیاروں کا مزید شاندار نظارہ حاصل کر سکتے ہیں، لیکن جب آپ ان سیاروں کو براہ راست دیکھتے ہیں تو اس کا مطلب یہ ہے کہ فوٹانز (روشنی کے ذرات) نے صرف آنکھوں کے پردوں کو چھونے کے لیے خلا سے لاکھوں یا اربوں میل کا سفر کیا ہے۔

واضح رہے کہ نایاب 7 سیاروں کی پریڈ فروری کے آخر میں شروع ہوگی۔