news
ہنگو میں کانوائے کی پیشگی اطلاع کا فقدان، اشیائے خورونوش کی قلت برقرار
ضلعی انتظامیہ ہنگو نے کمشنر کوہاٹ کو ایک خط لکھا ہے جس میں کہا گیا ہے کہ ٹرکوں کی نقل و حمل کے بارے میں انہیں پیشگی اطلاع نہیں دی جاتی۔
خط میں یہ بھی ذکر کیا گیا ہے کہ ضلعی انتظامیہ ہنگو کو کرم کانوائے کے بارے میں کوئی پیشگی معلومات فراہم نہیں کی جاتیں، جس کی وجہ سے ناخوشگوار واقعات پیش آ سکتے ہیں۔
خط میں یہ مطالبہ کیا گیا ہے کہ غذائی اجناس کے قافلے کے ضلع ہنگو سے گزرنے کے حوالے سے ریکارڈ فراہم کیا جائے۔
انتظامیہ کا کہنا ہے کہ متعلقہ ادارے قافلے کی نقل و حرکت کی معلومات شیئر کریں تاکہ خورونوش کی محفوظ نقل و حمل کے لیے ضروری انتظامات کیے جا سکیں۔
ضلع کرم میں تین ماہ سے راستوں کی بندش کی وجہ سے عوام کو مشکلات کا سامنا ہے، روزمرہ استعمال کی اشیاء اور خورونوش کی کمی، پیٹرول، گیس اور ادویات کی قلت سے لاکھوں لوگ پریشان ہیں، جبکہ بجلی کی لوڈشیڈنگ کی وجہ سے پانی کی فراہمی میں بھی مشکلات پیش آ رہی ہیں۔
دوسری جانب، راستوں کی طویل بندش کے باعث پاراچنار میں آج تاجروں نے ہڑتال کر دی ہے، شہر کے تمام کاروباری مراکز اور دکانیں بند ہیں۔
اس حوالے سے صدر ٹریڈ یونین حاجی امداد حسین کا کہنا ہے کہ جب تک کانوائے نہیں آتا، بازار بطور احتجاج بند رہے گا۔
لوئرکرم کے علاقے مندوری میں دھرنے کی وجہ سے ٹل تا پاراچنار مرکزی شاہراہ بھی بند ہے۔
آئی ایس پی آر
راولپنڈی، 14 اپریل 2025:
پاکستان اور مراکش کی افواج کے مابین انسداد دہشت گردی کے شعبے میں تیسری پاک – مراکش دوطرفہ مشترکہ فوجی مشق 2025 کی افتتاحی تقریب اسپیشل آپریشنز اسکول، چک رٹ میں منعقد ہوئی۔ اس مشق میں پاک فوج کے اسپیشل سروسز گروپ (ایس ایس جی) اور مراکش کی افواج کے اسپیشل فورسز کے دستے شریک ہیں۔
افتتاحی تقریب کے مہمانِ خصوصی اسپیشل آپریشنز اسکول چک رٹ کے کمانڈنٹ تھے۔
اس مشترکہ مشق کا مقصد باہمی تربیت کے ذریعے پیشہ ورانہ صلاحیتوں کو نکھارنا اور دونوں دوست ممالک کے درمیان تاریخی عسکری تعلقات کو فروغ دینا ہے۔ شریک افواج ایک دوسرے کے تجربات اور مہارت سے استفادہ حاصل کرنے کے لیے پُرعزم ہیں۔
اسپیس ایکس نے بہتر انٹرنیٹ کی فراہمی کے لیے سیٹلائٹس کی ایک نئی کھیپ خلا میں بھیج دی ہے۔
یہ مشہور کمپنی فلوریڈا کے کیپ کیناویرل اسپیس فورس اسٹیشن سے پیر کی صبح 27 اسٹار لنک سیٹلائٹس کے ساتھ بھرے فالکن 9 راکٹ کو لانچ کرنے میں کامیاب رہی۔
راکٹ نے دوپہر 12 بجے ای ڈی ٹی پر خلائی لانچ کمپلیکس 40 سے اڑان بھری۔
اس مشن کا مقصد یہ ہے کہ 27 اسٹار لنک سیٹلائٹس کو کم زمین کے مدار میں رکھا جائے تاکہ وہ دنیا بھر میں تیز رفتار اور کم تاخیر والا انٹرنیٹ فراہم کر سکیں۔
پہلے مرحلے کا بوسٹر اپنی 27 ویں پرواز کے بعد زمین پر واپس آیا، جہاں یہ جسٹ ریڈ دی انسٹرکشنز نامی ڈرون شپ پر اترا، جو بحر اوقیانوس میں واقع ہے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
