بھارت کی مشہور اداکارہ نیلم کوٹھاری نے پاکستانی اداکار فواد خان کے لیے اپنی پسندیدگی کا اظہار کیا ہے۔

نوے کی دہائی کی معروف اداکارہ نیلم کوٹھاری کی ایک ویڈیو سوشل میڈیا پر وائرل ہورہی ہے جس میں وہ پاکستانی ڈراموں کے بارے میں بات کر رہی ہیں۔

ویڈیو میں نیلم نے پاکستانی ڈراموں کی تعریف کرتے ہوئے کہا کہ ’’پاکستانی ڈراموں کی خاصیت یہ ہے کہ وہ حقیقت کے قریب ہوتے ہیں، کہانی اچھی ہوتی ہے، اور ڈرامے میں فنکاروں کے ملبوسات اور رہن سہن بھی بہت عمدہ ہوتے ہیں جو دیکھ کر جھوٹے نہیں لگتے۔ بولنے کا انداز اور لب و لہجہ سن کر ڈراما بنانے والوں کی سنجیدگی کا اندازہ ہوتا ہے‘‘۔

اداکارہ نے مزید کہا کہ ’’پاکستانی اور ترکیہ کے ڈرامے ایسے ہیں جو میں شوق سے دیکھتی ہوں کیونکہ ان میں جذبات بہت گہرے ہوتے ہیں اور کہانی کی بُنائی بھی اہم ہوتی ہے‘‘۔

پاکستانی اداکاروں کے حوالے سے نیلم کا کہنا تھا کہ ’’میں یہ بھی بتانا چاہوں گی کہ مجھے پاکستانی ڈرامے بہت پسند ہیں اور خاص طور پر فواد خان، وہ بہت حسین ہیں، اور مجھے ان سے بے انتہا محبت ہے‘‘۔

پاکستانی اداکارہ و ماڈل سائرہ یوسف نے سپر اسٹور میں چوری کی ویڈیو وائرل ہونے کے بعد آخرکار اپنے جرم کا اعتراف کر لیا ہے۔

گزشتہ روز سائرہ یوسف کی ایک ویڈیو سوشل میڈیا پر وائرل ہوئی، جس میں وہ ایک سپر اسٹور سے کچھ چیزیں چرا کر اپنے لباس میں چھپاتی نظر آئیں۔

اس ویڈیو کے وائرل ہونے کے بعد سوشل میڈیا پر ہلچل مچ گئی، اور صارفین نے مختلف تبصرے کیے، جن میں زیادہ تر حیرت اور سائرہ کے اس غیر معمولی رویے پر سوالات شامل تھے۔

اب سائرہ یوسف نے انسٹاگرام پر ایک ویڈیو شیئر کی ہے، جس میں وہ نہ صرف اپنی چوری کا اعتراف کر رہی ہیں بلکہ اپنی مجبوری بھی بیان کر رہی ہیں۔

انسٹاگرام پر شیئر کی گئی ویڈیو میں سائرہ کہتی ہیں، “میں یہ تسلیم کرتی ہوں کہ وہ میں ہی تھی، کیونکہ مجھے صبر نہیں ہوا اور مجھے یقین ہے کہ آپ میں سے بھی کوئی ایسا ہی محسوس کرے گا۔ چاہے مجھے کوئی بھی الزام دے، لیکن میں سب سے کریمی ملک چاکلیٹ کے لیے مجرم ہوں۔”

اداکارہ کی یہ ویڈیو یہ ظاہر کرتی ہے کہ وائرل ہونے والی چوری کی ویڈیو دراصل ایک اشتہاری مہم کا حصہ تھی، جو جان بوجھ کر بنائی گئی تھی۔ کئی مداحوں نے پچھلی ویڈیو پر یہی تبصرہ کیا کہ سائرہ حقیقت میں چوری نہیں کر سکتیں، بلکہ یہ کسی اشتہاری مہم کا حصہ ہے۔