پی ایچ ڈی چھوڑ کر فحش ویب سائٹ کی ایڈلٹ کانٹینٹ کریٹر بننے والی زارا ڈار نے اپنی کمائی کے بارے میں کچھ دلچسپ باتیں کی ہیں۔

یوٹیوبر زارا ڈار، جو خواتین کو سائنس اور ٹیکنالوجی میں آگے بڑھنے کی ترغیب دیتی رہی ہیں، نے پی ایچ ڈی چھوڑ کر ایڈلٹ کانٹینٹ کریٹر بننے کا فیصلہ کیا ہے، جس کی وجہ سے وہ سوشل میڈیا اور غیر ملکی میڈیا میں خاصی مقبولیت حاصل کر رہی ہیں۔

زارا نے اس اہم فیصلے کے بارے میں اپنے مداحوں کے سوالات کا جواب دیتے ہوئے ایک یوٹیوب ویڈیو میں وضاحت کی۔ زارا کا کہنا ہے کہ یہ ایک مشکل مگر سوچا سمجھا قدم ہے۔

ویڈیو میں زارا نے کہا کہ بالغ مواد کی تخلیق کو مستقل پیشہ بنانا ان کے لیے صرف ایک کیریئر کا انتخاب نہیں بلکہ اپنی زندگی کے مستقبل کی سمت کا تعین کرنے کا ایک ذریعہ بھی ہے۔

یوٹیوب چینل پر ایک لاکھ سے زیادہ سبسکرائبرز رکھنے والی زارا پہلے مشین لرننگ اور نیورل نیٹ ورکز جیسے موضوعات پر ویڈیوز بناتی تھیں۔ انہوں نے بتایا کہ پی ایچ ڈی چھوڑنے کا فیصلہ کرتے وقت انہوں نے اکیڈمک کیریئر کے فوائد اور دیگر متبادل راستوں پر غور کیا، لیکن انہیں لگا کہ اکیڈمک دنیا ان کی توقعات کے مطابق نہیں ہے، جس کے بعد ایڈلٹ کانٹینٹ کریٹر بننے کا فیصلہ کرنا ان کے لیے آسان ہوگیا۔

انہوں نے مزید کہا کہ اکیڈمک یا ٹیک انڈسٹری میں کام کرنے والے اکثر دوسرے لوگوں کے خوابوں کو حقیقت بناتے ہیں، لیکن خود اپنے خوابوں کی تکمیل میں ناکام رہتے ہیں۔