عام طور پر پیشاب کو روکنا بے ضرر ہو سکتا ہے لیکن بعض حالات میں یہ عمل آپ کی صحت کے لیے خطرہ بن سکتا ہے، خاص طور پر اگر یہ عادت بن جائے۔ نیو یارک میں لانگ آئی لینڈ یونیورسٹی کے ریناسنس اسکول آف میڈیسن کے یورولوجی کے کلینکل ایسوسی ایٹ پروفیسر ڈاکٹر جیسن کم نے بتایا کہ پیشاب کو کنٹرول کرنے کے لیے ایک پیچیدہ اعصابی نظام کام کرتا ہے۔

آپ کے گردے پیشاب بناتے ہیں، جو پھر دو نالیوں (ureters) کے ذریعے مثانے میں جمع ہوتا ہے۔ جب مثانہ تقریباً آدھا بھر جاتا ہے، تو اعصابی ریسیپٹر دماغ کو سگنل دیتے ہیں کہ پیشاب کرنے کا وقت آچکا ہے۔

پیشاب کو روکنا آپ کے پیشاب کی نالی میں انفیکشن (یو ٹی آئی) کے خطرے کو بڑھا سکتا ہے، کیونکہ بیکٹیریا اس نالی میں جمع ہو کر انفیکشن کا سبب بن سکتے ہیں۔ یہی وجہ ہے کہ خواتین کو جنسی عمل کے بعد پیشاب کرنے کی ترغیب دی جاتی ہے تاکہ جنسی عمل سے پیشاب کی نالی میں آنے والے بیکٹیریا کا خاتمہ کیا جا سکے۔

اگر اس انفیکشن کا علاج نہ کیا جائے تو یہ گردوں تک پہنچ کر گردے میں انفیکشن کا سبب بن سکتا ہے، اور اس کا وقت پر علاج نہ ہونے کی صورت میں urosepsis ہو سکتا ہے، جو ایک سنگین حالت ہے۔

مزید برآں، اگر پیشاب کو بار بار اور زیادہ دیر تک روکا جائے تو اس سے مثانے کے پٹھے کمزور پڑ سکتے ہیں۔ اس کے نتیجے میں مثانہ پیشاب کو مکمل طور پر خارج نہیں کر پاتا، جس سے مثانے میں بچا ہوا پیشاب انفیکشن کا خطرہ بڑھا دیتا ہے

پاکستان اور جنوبی افریقہ کی ٹیموں کے درمیان سیریز کا پہلا ون ڈے میچ آج پارل میں کھیلا جائے گا۔ پاکستان ٹیم کے کپتان محمد رضوان نے کہا کہ ہمارا ون ڈے فارمیٹ میں اچھا ردھم رہا ہے، اور ہم اس کو برقرار رکھنے کی پوری کوشش کریں گے۔

جنوبی افریقہ کے اہم کھلاڑی جو ٹی 20 سیریز میں شامل نہیں تھے، وہ اب ون ڈے اسکواڈ میں واپس آچکے ہیں۔ پاکستان نے جنوبی افریقہ پہنچنے سے قبل آسٹریلیا اور زمبابوے کے خلاف ون ڈے سیریز میں فتح حاصل کی تھی، جو ٹیم کے مورال کو مزید بلند کر رہی ہے۔

اس کے علاوہ، قومی کرکٹرز عماد وسیم اور محمد عامر کی ریٹائرمنٹ کے بعد سابق کپتان سرفراز احمد کا پیغام سوشل میڈیا پر وائرل ہوگیا ہے۔ سرفراز احمد نے اپنے پیغام میں عماد وسیم اور محمد عامر کو ریٹائرمنٹ پر مبارکباد دیتے ہوئے ان کے مستقبل کے لیے نیک خواہشات کا اظہار کیا۔