بین الاقوامی مالیاتی فنڈ (آئی ایم ایف) کے جاری ایکسٹینڈڈ فنڈ فسیلٹی (ای ایف ایف) پروگرام کی خلاف ورزی کرنے پر، وزارت اطلاعات و ٹیکنالوجی اور ٹیلی کمیونیکیشن نے ”سیمی کنڈکٹر پالیسی اور ایکشن پلان“ کا ایک مسودہ تیار کیا ہے، جس میں سیمی کنڈکٹر صنعت کو گرانٹس اور سبسڈیز دینے کی تجویز پیش کی گئی ہے، جو کہ خصوصی ٹیکنالوجی زون (ایس ٹی زیڈ) کی مراعات، آلات پر درآمدی ڈیوٹی کی معافی، 25 فیصد سبسڈی والے سود کے ساتھ نرم قرضے اور 25 فیصد ٹیکس کی چھوٹ پر مشتمل ہیں۔

اکتوبر 2024 کے شروع میں جاری کیے گئے فنڈز کی دستاویزات سے پتہ چلتا ہے کہ سبسڈیز کم لاگت کی مالی معاونت اور دیگر مراعات کی شکل میں دی گئی ہیں، جو کہ اگرچہ مختلف صنعتوں میں مختلف ہیں، لیکن ان سبسڈیز کے بغیر مالیات اور ٹیکسز، ہم منصب معیشتوں اور کم تر شعبوں کے مقابلے میں زیادہ بہتر ہیں۔

وزارت کی طرف سے قومی سیمی کنڈکٹر فنڈ کے قیام کی تجویز بھی پیش کی گئی ہے، جس کے لیے 10 ارب روپے تک کی رقم رکھی جائے گی تاکہ نرم قرضے، گرانٹس، اسٹارٹ اپ سپورٹ، مقامی صلاحیت کو برقرار رکھنے کے لیے مراعات، اور بین الاقوامی کمپنیوں اور غیر ملک میں رہنے والوں کو متوجہ کرنے کے لیے موئثر اقدامات کیے جا سکیں۔ اس تجویز پر وزیر مملکت برائے آئی ٹی اور ٹیلی کمیونیکیشن، شیزا فاطمہ خواجہ سے رائے بھی طلب کی گئی تھی، البتہ رپورٹ کے فائل ہونے تک کوئی جواب وصول نہیں ہوا۔

عالمی سیمی کنڈکٹر مارکیٹ 2023 میں 600 ارب ڈالر سے زائد تجاوز کر چکی ہے اور 2030 تک اس کے ایک کھرب ڈالر تک پہنچنے کی توقع ہے، جس میں سے 70 فیصد کمپیوٹنگ اور ڈیٹا اسٹوریج، آٹوموٹو الیکٹرانکس، وائرلیس کنیکٹیوٹی اور پاور مینجمنٹ میں تیز رفتار ترقی سے حاصل کر رہا ہے۔

مسودہ پالیسی میں بتایا گیا ہے کہ قومی معیشت اور سیکیورٹی کا سیمی کنڈکٹرز پر انحصار بڑھ گیا ہے، لہذا پاکستان سیمی کنڈکٹر پالیسی کی تشکیل انتہائی ضروری ہے۔

مسودہ پالیسی میں پاکستان کو سیمی کنڈکٹر ڈیزائن، مینوفیکچرنگ اور اسمبلی، ٹیسٹنگ اور پیکیجنگ (اے ٹی پی) گکا بڑا مرکز بنانے کے ساتھ 2047 تک اہم سیمی کنڈکٹر انٹیگریٹڈ سرکٹ (آئی سیز) کے لیے مقامی ڈیزائن، ٹیسٹنگ/پیکیجنگ اور فابریکیشن کی صلاحیت حاصل کرنے کا مقصد بھی پیش کیا گیا ہے۔