یک نئی اطلاع کے مطابق جنوبی کوریا صنعتی شعبے میں 10 فی صد سے زائد افرادی قوت کو روبوٹ سے بدلنے والا دنیا کا پہلا ملک بن چکا ہے۔

ورلڈ روبوٹک 2024 کے ایک سالانہ سروے کے مطابق جنوبی کوریا ہر 10 ہزار ملازمین میں 1102 روبوٹس کو کام پر لگا کر دنیا میں سب سے زیادہ روبوٹ ملازمین رکھنے والا ملک بن گیا ہے۔

جنوبی کوریا میں انگیج روبوٹ کی تعداد رپورٹ میں پیش کی گئی فہرست میں موجود کسی بھی ملک میں تعینات روبوٹ ملازمین کے مقابلے میں دُگنی سے زیادہ ہوگئی ہے۔ علاوہ سنگاپور کے جہاں ہر 10 ہزار ملازمین میں 770 روبوٹ ملازمین ہیں۔

انٹرنیشنل فیڈریشن آف روبوٹکس (آئی ایف آر) کی طرف سے پیش کی گئی رپورٹ میں بتایا گیا کہ جنوبی کوریا میں 2018 کے بعد سے روبوٹ کی تعداد میں 5 فی صد تک کا اضافہ ہوا ہے۔ دنیا کی معروف الیکٹرونک انڈسٹری اور مضبوط آٹوموٹیو انڈسٹری رکھنے والی کورین معیشت کا زیادہ انحصار انڈسٹریل روبوٹ کے ان دو بڑے خریداروں پر ہے۔

محققین کا کہنا ہے کہ عالمی سطح پر گزشتہ سات برسوں میں روبوٹ کی اوسطاً تعداد میں دُگنے سے زیادہ یعنی ہر 10 ہزار ملازمین میں 74 سے بڑھ کر 162 ربوٹس کا اضافہ ہوگیا ہے۔

جنوبی کوریا میں ان شعبوں کے علاوہ اسپتال سے لے کر ریسٹورانٹ تک روبوٹس کو مختلف جگہوں پر کام کے لیے رکھا گیا ہے۔