پاکستانی شوبز انڈسٹری کے معروف اداکار حمزہ علی عباسی نے کہا میں خود کو پیدائشی مسلمان کہلانے کی بجائے شعوری مسلمان سمجھنے پر فخر محسوس کرتا ہوں داکار کا کہنا ہے کہ یہ درست ہے کہ میں ایک مسلمان گھرانے میں پیدا ہوا ہوں میں پہلے سے ایک مسلمان ہوں لیکن اب میں جو زندگی گزار رہا ہوں وہ میری اپنی مرضی کے مطابق ہے، میں نے تمام مذاہب کا تفصیلی مطالعہ کرنے کے بعد اسلام کا انتخاب کیا ہے
حمزہ علی عباسی نے کہا کہ میں کوئی مذہبی اسکالر نہیں لیکن دین کی جو باتیں مجھے عقلی و شعوری طور پر سمجھ آتی ہیں میں ان پر عمل کرنے اور انہیں آگے پہنچانے کی کوشش کرتا ہوں۔

پاکستان شوبز انڈسٹری کے معروف اداکار زاہد احمد کا کہنا ہے کہ دولت اور شہرت ملنے کے باوجود بھی جب زندگی میں سکون نہ ملا تو زندگی کو اللّٰہ کے احکامات کے مطابق گزارنے کا فیصلہ کر لیا
زاہد احمد نے حال ہی میں ایک پروگرام میں بطور مہمان شرکت کی جہاں اُنہوں نے بتایا کہ عزت، دولت اور شہرت سب کچھ مل جانے کے بعد بھی جب زندگی میں سکون نہ ملا تو میں نے زندگی تبدیل کرنے کا سوچ لیا۔ شو کے دوران ایک سوال کے جواب میں انہوں نے کہا کہ زندگی میں سب کچھ حاصل کرنے کے باوجود بھی میں بے سکون رہتا تھا۔
اداکار زاہد احمد نے بتایا کہ میں نے زندگی میں سکون کی تلاش میں بہت کچھ کیا لیکن کسی بھی طرح بےچینی دور نہیں ہو رہی تھی تو پھر میں نے اللّٰہ سے دعا مانگی کے مجھے اپنی عبادت کی توفیق دے۔
اُنہوں نے مزید کہا کہ پھر میں نے اللّٰہ کے احکامات کے مطابق زندگی گزارنے کا فیصلہ کیا اور اب پچھلے 6 سے 7 سال ہوگئے میں باقاعدگی سے 5 وقت کی نماز ادا کرتاہوں۔
زاہد احمد نے کہا کہ اللّٰہ سے قریب ہونے کے بعد میں نے اپنی زندگی میں سکون محسوس کرنا شروع کر دیاہے۔
اب میری دیگر فنکاروں اور اپنے فین سے یہی درخواست ہے کہ وہ بھی میری طرح سکون حاصل کرنے کے لیے رب کی طرف آئیں