پاکستان شوبز کی معروف اداکارہ و ماڈل سائرہ یوسف نے حالیہ انٹرویو میں اپنی زندگی، مالی خودمختاری، اور دوسری شادی کے حوالے سے اہم خیالات کا اظہار کیا۔ انہوں نے کہا کہ طلاق کے بعد والدین اور معاشرہ یہ بات سمجھ چکا ہے کہ نئی زندگی شروع کرنا فوری طور پر ممکن نہیں ہوتا۔

سائرہ یوسف نے کہا کہ معاشرتی دباؤ کے باوجود اب لوگ سنگل ماؤں کو قبول کرنے لگے ہیں، اور خواتین کو اپنی مالی خودمختاری پر کام کرنا چاہیے۔ انہوں نے کہا کہ مالی خود مختاری نہ صرف عورت کو مضبوط بناتی ہے بلکہ مشکل وقت میں بھی کام آتی ہے۔ ان کا کہنا تھا کہ خواتین کو بچوں کے ساتھ آگے بڑھنا چاہیے اور ان کی پرورش کو اولین ترجیح دینی چاہیے۔

دوسری شادی سے متعلق سوال پر سائرہ نے کہا کہ ان کے مستقبل کے شوہر میں خدا خوفی ہونا سب سے اہم خصوصیت ہوگی۔ انہوں نے مزید وضاحت کرتے ہوئے کہا کہ بدتمیزی، زبردستی محبت، اور جذبات پر قابو نہ پانے والے رویے ان کے لیے “ریڈ فلیگز” ہیں اور ایسے شخص سے رشتہ ممکن نہیں۔

یاد رہے کہ سائرہ یوسف نے 2012 میں اداکار شہروز سبزواری سے شادی کی تھی اور 2014 میں ان کی بیٹی نورے پیدا ہوئی۔ تاہم، 2020 میں دونوں کے درمیان طلاق ہو گئی۔ سائرہ نے طلاق کے بعد اپنی بیٹی نورے کی پرورش بطور سنگل ماں کی، جبکہ شہروز نے ماڈل صدف کنول سے دوسری شادی کرلی۔

سائرہ یوسف کا انٹرویو ان کی خودمختاری، مضبوط شخصیت، اور ایک بہتر زندگی کی خواہش کو واضح کرتا ہے، جو ان کے مداحوں کو متاثر کرنے کا سبب بنا ہے۔

پاکستانی ڈرامہ انڈسٹری کی مشہور اداکارہ علیزے شاہ ایک مرتبہ پھر اپنے مداحوں کی تنقید کا شکار ہو گئی ہے
علیزے شاہ نے ایک نئے میوزک ویڈیو کنگ شوٹ کی ہے جس میں وہ گلو کار یحیی اور اسد کے ساتھ اپنی پرفارمنس دے رہی ہے
علیزے پر تنقید کی بنیادی وجہ یہ ہے کہ اس کا لباس انتہائی غیر مناسب اور نہ موافق ہے اسی وجہ سے وہ ایک مرتبہ پھر ٹرولنگ کا نشانہ بن گئی ہے
ویڈیو کے اندر علیزے شاہ کی پرفارمنس کو تو مداحوں کی طرف سے بڑی پذیرائی حاصل ہوئی البتہ اس کے لباس پر شدید تنقید کی گئی ہے ناظرین نے اس کے لباس کو بےہودہ اور غیر مناسب قرار دیتے ہوئے اسے شرم دلائی ہے اور کہا ہے کہ اس کی ان بیہودہ حرکتوں کی وجہ سے وہ سوشل میڈیا اور ڈرامہ انڈسٹری میں منفی انداز میں وائرل ہو کر اپنے کردار اور صلاحیتوں کو برباد کر رہی ہے