صدر آصف علی زرداری پر عمران خان کو قتل کرنے کی سازش کے الزام میں لگائے گئے مقدمے پر سابق وزیر داخلہ شیخ رشید احمد کو بری کر دیا گیاہے
شیخ رشید کے خلاف تھانہ آب پارہ میں پیپلز پارٹی کے راولپنڈی ڈویژن کے نائب صدر کی مدعیت میں گزشتہ سال یہ مقدمہ درج ہوا تھا
عدالت کے باہر میڈیا سے گفتگو کرتے ہوئے شیخ رشید نے کہا کہ میں اللہ تعالی کے بعد اپنے وکلا اور لوگوں کا شکر گزار ہوں جنہوں نے میرا کیس لڑا اور اب مجھ پر دہشت گردی کے 14 کیسز ہی رہ گئے ہیں
انہوں نے کہا کہ حکمرانوں سے جو کام لیا جانا تھا وہ لے لیا گیا ہے اب یہ خود کہہ رہے ہیں کہ ان پر انڈے اور ٹماٹر گرتے ہیں یہ دونوں پارٹیاں نفرت کا نشان ہیں ہر کوئی ان سے نفرت کرتا ہے
شیخ رشید نے کہا میں جب یہاں تھا ہی نہیں اس وقت مجھ پر دہشت گردی کے مقدمات بنا دیے گئے اور مونچھ لسبیلہ اور مری میں جہاں مجھ پرکیس کیے گئے میں نے وہ جگہ دیکھی ہی نہیں ہیں خفیہ طور پر کہا گیا کہ آپ کا سامان واپس ہوگا مگر نہیں ہوا شیخ رشید نے مزید کہا کہ یہ نہ ہو کہ حالات قومی حکومت کی طرف چلے جائیں اب گولی اندر چوہا جلندھر والا معاملہ ہے کسانوں کو پہلے ہی گندم کا ریٹ نہیں مل رہا آئی ایم ایف کے شکنجے کی حکومت ہے
انہوں نے کہا کہ بھارت کرکٹ نہیں کھیلنا چاہتا تو اس پر لعنت ہو بھارت کشمیر میں پھر کیا کر رہا ہے