پاکستان اسٹاک ایکسچینج (پی ایس ایکس) میں مسلسل ریکارڈز کا سلسلہ جاری ہے، اور جمعرات کو بینچ مارک کے ایس ای 100 انڈیکس نے تاریخ میں پہلی بار 97 ہزار پوائنٹس کی سطح کو عبور کیا۔ دوپہر ایک بجکر 55 منٹ پر انڈیکس 97,270.52 پوائنٹس تک پہنچا، جس میں 1,724.07 پوائنٹس یا 1.8 فیصد کا اضافہ ہوا۔
اس دن آٹوموبائل اسمبلرز، کمرشل بینکوں، فرٹیلائزرز، فارماسیوٹیکل اور ریفائنری کے شعبوں میں خریداری دیکھی گئی۔ این آر ایل، حیسکول، پی ایس او، ای ایف ای آر ٹی، ایچ بی ایل اور این بی پی جیسے اہم حصص میں مثبت کاروبار ہوا۔ اسماعیل اقبال سیکیورٹیز کے تجزیہ کار سعد حنیف کے مطابق، سرمایہ کاروں کی توجہ خاص طور پر فرٹیلائزر سیکٹر پر مرکوز رہی، جسے دفاعی اسٹاک سمجھا جاتا ہے، کیونکہ یہ مارکیٹ کی اتار چڑھاؤ سے کم متاثر ہوتے ہیں اور اچھا منافع بھی دیتے ہیں۔
حالیہ مثبت میکرو اکنامک اشارے اور کلیدی پالیسی شرح میں کمی کی توقعات نے مارکیٹ میں تیزی لائی۔ مزید یہ کہ سیاسی احتجاج کے حوالے سے سرمایہ کاروں کے خدشات میں کمی نے بھی خریداری کو فروغ دیا۔
اس کے برعکس، بدھ کو کے ایس ای 100 انڈیکس 310 پوائنٹس کمی کے ساتھ 95,546.45 پر بند ہوا تھا۔ عالمی سطح پر، امریکی سیاست اور جغرافیائی سیاسی تناؤ کی وجہ سے عالمی حصص کی قیمتوں میں کمی دیکھی گئی، اور اس کے ساتھ ہی سونے اور محفوظ سرمایہ کاری کے دیگر اثاثوں میں اضافہ ہوا۔
امریکی جغرافیائی سیاسی مسائل، جیسے یوکرین تنازعہ اور ڈالر کی قیمت میں اضافہ، عالمی مارکیٹ کو متاثر کر رہے ہیں، اور نیسڈیک اور ایس اینڈ پی 500 فیوچرز میں بھی کمی دیکھنے کو ملی۔ اس کے علاوہ، بھارتی اڈانی گروپ کے چیئرمین گوتم اڈانی پر رشوت ستانی اسکیم میں ملوث ہونے کا الزام عائد کیا گیا ہے، جس نے عالمی سطح پر مزید مسائل پیدا کیے ہیں

جنرل سید عاصم منیر این آئی (ایم)،چیف آف آرمی سٹاف نے کراچی میں ایکسپو سینٹر میں منعقد بین الاقوامی دفاعی نمائش اور سیمینار کا دورہ کیا چیف آف آرمی سٹاف نے دورے کے دوران دوست ممالک کے دفاعی مینوفیکچررز کی فعال شرکت کو سراہا نمائش میں کل 557 نمائش کنندگان شریک ہیں جن میں سے 333بین الاقوامی جبکہ 224 ملکی نمائش کنندگان ہیں
36 ممالک نے اپنے نمائشی سٹالز لگائے جن میں سے 17 ممالک اس نمائش میں پہلی مرتبہ حصہ لے رہے ہیں
اس نمائشی تقریب میں 53 ممالک کے 300 سے زائد غیر ملکی مندوبین نے شرکت کی اور انہوں نے نمائش اور پاکستان کی دفاعی صنعت پر مکمل اعتماد کا اظہار کیا
دوران نمائش چیف آف آرمی سٹاف نے تقریب میں موجود غیر ملکی فوجی حکام اور دفاعی مندوبین کے ساتھ بھی بات چیت کی
اس نمائش کی انفرادیت یہ ہے کہ نمائش میں جدید ترین جنگی (بغیر پائلٹ) فضائی گاڑی شہپر تھری کا افتتاح کیا گیا ہے اس فضائی گاڑی کو گلوبل انڈسٹریل ڈیفنس سولیوشنز پاکستان نے تیار کیا ہے
شہپر تھری اعلی درجے کی صلاحیتوں کا حامل ہے بشمول 35 ہزار فٹ کی اپریشنل چھت اور 24 گھنٹے سے زیادہ کی برداشت کے شیپر تھری بموں میزائلوں اور ٹار پیڈو سمیت وسیع پیمانے پر گولا بارود لے جانے کی صلاحیت سے بہرا ور ہے