ڈپٹی کمشنر سرگودھا کیپٹن ریٹائرڈ محمد وسیم کی صدارت میں سموگ سے نمٹنے کے لیے ایک اجلاس منعقد کیا گیا اجلاس میں سموگ سے مقابلہ کرنے کے لیے اقدامات کا جائزہ لیا گیا
اجلاس میں ایڈیشنل ڈپٹی کمشنر ریونیو فہد محمود ،زراعت ماحولیات، ٹریفک پولیس، ٹرانسپورٹ کے افسران اور اسسٹنٹ کمشنرز نے ویڈیو لنک کے ذریعے شمولیت اختیار کی
ڈپٹی کمشنر کے مطابق کوڑا کرکٹ کو جلانا اور فصلوں کی باقیات کو جلا کر تلف کرنا نیز بھٹوں، گاڑیوں اور فیکٹریوں سے نکلنے والا دھواں ہی اصل میں سموگ کا باعث بنتا ہے
ڈپٹی کمشنر کیپٹن ریٹائرڈ محمد وسیم نے کہا کہ محکمہ زراعت کے افسران کو چاہیے کہ وہ چاول کے کاشتکاروں سے فوری طور پر رابطہ کریں اور انہیں ہدایت جاری کریں کہ فصلوں کی باقیات کو آگ لگا کر تلف نہ کیا جائے اس حوالے سے تحریری نوٹس بھی ارسال کیے جائیں نیز زگ زیگ ٹیکنالوجی پر شفٹ نہ ہونے والے بھٹو کے خلاف بھی کاروائی کی جائے اور جو بھٹے اور فیکٹریاں پنجاب حکومت کی طرف سے جاری کردہ ایس او پیز پر عمل درآمد نہیں کر رہے ان کے خلاف کاروائی کرتے ہوئے جرمانے عائد کیے جائیں
انہوں نے مزید اس بات پر زور دیا کہ فٹنس سرٹیفیکیٹ نہ لینے والی اور دھواں چھوڑنے والی وہیکلز اور گاڑیوں کے خلاف بغیر کسی فرق اور امتیاز کے کاروائی کی جائے موٹر وے کے علاقہ جات میں اینٹی سموگ سکواڈ تشکیل دیا جائے جو دھان کی فصل کے بقایا جات کو جلانے والے کاشتکاروں کی نشاندہی کرے اور ان کے خلاف فوری کاروائی کرے
ڈپٹی کمشنر نے کہا کہ روزانہ کی بنیاد پر سموگ کے خلاف ہونے والی کاروائی سے ان کے دفتر کو بھی اگاہ کیا جائے