آئی پی پیز کے ساتھ پاور سیکٹر اصلاحات پر ٹاسک فورس کے اہم مذاکرات کی موجودہ صورتحال کو شیئر کرنے سے انکار کرتے ہوئے اسپیشل سیکرٹری پاور ڈویژن ارشد مجید نے کہا کہ کچھ آئی پی بیز کے ساتھ مذاکرات حتمی مراحل میں ہیں۔محمد ادریس کی زیر صدارت قائم ہونے والی قومی اسمبلی کی قائمہ کمیٹی نے ای پیس کے ساتھ مذاکرات کی تفصیلات پر زور نہیں دیا تاہم کچھ کمیٹی ممبران میں یہ دلیل دی گئی آئی بی پیز کے ساتھ کیے گئے معائدوں کے باعث ملک کو نقصان پہنچا ہے اور انتظامیہ کی نشاندہی کا مطالبہ کیا

جنہوں نے یہ معاہدے کیے ،اب تک آئی پی پیز کو جو ادائیگیاں کی گئیں اور وہ کون سی آئی پی پیز ہیں جنہیں بغیر پیداوار کے ادائیگیاں کی جا رہی ہیں۔کمیٹی کے اراکین نے کہا کہ انہیں دی جانے والی معلومات نامکمل ہیں جیسے کہ معاہدوں کی مدت کپیسٹی پیمنٹ اور دیگر متعلقہ معاملات نیز انہوں نے پاور ڈویژن سے مطالبہ کیا کہ وہ تفصیلات کی ایک پریزنٹیشن شیئر کریں ائی پی پیز کا مسئلہ پاکستان کا سب سے سنگین مسئلہ ہے۔

ڈاکٹر مہرین بھٹو نے کہا کہ اس وقت صارفین پر جو اضافی بوجھ ہے وہ آئی پی پیز کا ہی ہے اور مہنگے بلوں کے باعث اموات تک کی خبریں سننے میں آرہی ہیں۔ رکن قومی اسمبلی رانا محمد حیات نے کہا کہ پورے ملک کی نظریں حکومت اور قائمہ کمیٹی پر ہیں ۔آئی پی پیز کے ساتھ ہونے والے مذاکرات کا نتیجہ کیا نکلتا ہےپاور ڈویژن کی سیکرٹری فخر عالم عرفان نے کمیٹی کو یقین دلایا کہ کمپنی پہلے ہی پی پی اے ماڈل معاہدہ شیئر کر چکی ہے ایک سوال کے جواب میں انہوں نے کہا کہ نظر ثانی شدہ پی پی اے جسے ائی پی پیز کے ساتھ اتفاق رائے کے ساتھ حتمی شکل دی جائے گی اور اس کے باعث بجلی کی قیمتوں میں کمی آئے گی