وزیر اعلی بلوچستان سرفراز بگٹی نے کہا کہ بلوچستان میں ملٹری آپریشن کی کوئی ضرورت نہیں کوئٹہ میں بلوچ طالب علموںسےپریس کانفرنس میںخطاب کے دوران سرفراز بگٹی نے کہا کہ جھوٹے پروپیگنڈوں کے ذریعے معصوم عوام اور نو جوانوں کو ورغلایا جاتا ہے اور عوام کو ریاست کے سامنے کھڑے ہونے کے لیے تیار کیا جاتا ہے ۔

ہم معصوم بچیوں اور بلوچ عوام کے لیے اعلی تعلیم کا بندوبست کر رہے ہیں جبکہ آپ ان بچیوں کو اٹھا کر جنگ کے ایندھن میں دھکیل رہے ہیں ۔لوگوں کو مار کر یہ بلوچستان کی کون سے خدمت کر رہے ہیں ؟سرفراز بگٹی نے پنجگور میں ہونے والے افسوسناک واقعے کی مذمت کرتے ہوئے کہا کہ کوئٹہ میں ایک معصوم حجام کو مارا دیا گیا گزشتہ دنوں خود کش دھماکے میں ملوث نرس کا حوالہ دیتے ہوئے انہوں نے کہا کہ میں اپنی اس بیٹی کا شکر گزار ہوں جس نے یہ احساس کیا کہ وہ غلط راستے پر تھی

نیز وزیراعلی سرفراز بگٹی نے کہا کہ میں والدین سے بھی کہتا ہوں کہ وہ اپنے اس ذمہ داری کو بھرپور طریقے سے ادا کریں اور اپنے بچوں پر کڑی نگاہ رکھیں۔ریاست ایک ماں کے طور پر کام کر رہی ہے. یہ والدین کی ذمہ داری ہے کہ وہ اپنے بچوں پر نظر رکھیں۔ وہ خون کی ہولی کھیل رہے ہیں،اس سے بلوچستان کو کیا فائدہ ہوگا؟

بلوچستان کے علاقے پنجگور میں دہشت گردی سے ہلاک ہونے والے سات افراد کی میتیں ملتان پہنچا دی گئیں ہیں

بلوچستان میں فائرنگ کے واقعے میں ہلاک ہونے والے سات مزدوروں کی لاشیں ان کے آبائی علاقے شجاعباد پہنچا دی گئی ،اتوار کے دن انہیں ان کے لواحقین کے حوالے کر دیا گیا۔ مزدوروں کی میتیں ہیلی کاپٹر پر پنجگور سے ملتان ایئرپورٹ لائی گئیں ،گورنر خیبر پختون خواہ فیصل کریم کنڈی ،پیپلز پارٹی کے ایم این اے سید عبد القادر گیلانی ،مسلم لیگ نون کے ایم پی اے سلمان نعیم ،ایس ایس پی اپریشن حسن رضا خاکی اور دیگر افسران نے میتیں وصول کیں۔ڈپٹی کمشنر پنجگور زاہد احمد لانگو اور ڈی پی او پنجگور فیصل بخاری بھی اس موقع پر موجود تھے۔

لاشوں کو نشتر ہسپتال لایا گیا ، شجاع آبادبستی چدھڑ اور بستی ملوک میں دو مزدوروں کی نماز جنازہ ادا کی گئی جس میں ڈپٹی کمشنر وسیم حامد سندھو مسلم لیگ نون کے ایم پی اے سلمان نعیم اور اہل علاقہ کی بڑی تعداد نے شرکت کی بعد ازں لاشوں کو ان کے آبائی قبرستان میں سپرد خاک کیا گیا مزدورںمیں ساجد ولد اللہ بخش ،فیض ولد اللہ دتا ،خالد ولد فدا حسین ،شفیق ولد فیض بخش ا،فتخار ولد اقبال بلال ،بلد شوکت سلمان ولد فیض شامل ہیں۔

ڈپٹی کمشنر ملتان وسیم حامد سندھو نے کہا کہ پنجاب حکومت متاثرہ خاندانوں کے غم میں برابر کی شریک ہے اور ان تمام مزدوروں کا تعلق تحصیل ملتان سے تھا جاں بحق ہونے والے سات مزدوروں کے اہل خانہ نے دہشت گردی کے خلاف احتجاج کرتے ہوئے موٹروے ایم فائیو کو مکمل طور پر بند کر دیا مظاہرین نے شجاع آباد بستی داد انٹرچینج کو بھی گاڑیوں کے لیے مکمل طور پر بند رکھا