وزیر اعظم پاکستان نے سلامتی کونسل کے اعلی سطح مباحثے میں اظہار خیال کرتے ہوئے کہا وقت آگیا ہے کہ سلامتی کونسل کو یوکرین میں جنگ بندی اور مسئلے کے پر امن حل کے لیے غیر جانبدارانہ منصوبہ تیار کرنا چاہیے اور اس جنگ کو جاری رکھنے اور پھیلاؤ کی اجازت نہیں دینی چاہیے سلامتی کونسل جموں و کشمیر کے بگڑتے ہوئے تنازعہ کو مزید نظر انداز نہیں کر سکتی یہ مسئلہ عالمی امن اور سلامتی کے لیے دائمی اور شدید خطرے کا باعث ہے کونسل کو بہت بڑے پیمانے پر کشمیری عوام کے بنیادی حقوق کی بحالی کا تقاضا کرنا چاہیے خصوصا داعش آئی ایس کے اور فتنہ الخوارج کے خطرے کا تدارک کرنے کی بھی سبیل کرنی چاہیےکونسل کو دہشت گردی کو شکست دینے اور بیرونی مداخلت کو روکنے کے لیے افریقی ممالک اور افریقی یونین کی بھی موثر مدد کرنی چاہیے اقوام متحدہ کے امن مشن کو زیادہ موثر اور مضبوط بنانا چاہیے کونسل کو بڑی طاقتوں کے درمیان جنگ سے بچاو کے لیے اعتماد کی بحالی کے اقدامات کا بھی اغاز کرنا چاہیےوزیراعظم شہباز شریف نے مزید کہا کہ ایشیا پیسیفک کے خطے میں بڑھتے ہوئے تناؤ کو کم کرنے کے لیے کوششیں کرنی چاہیں دوستوں کے درمیان صحت مندانہ مقابلہ ایک اچھا اور صحتمندانہ رجحان ہے بہرحال اسے برے تصادم کی شکل اختیار نہیں کرنی چاہیے کونسل طاقت کے غیر قانونی استعمال کو قطعا برداشت نہ کرنے کی روش اپنانے کا اعلان کرے نیز روایتی اور نیوکلیائی ہتھیاروں کی نئی دوڑ کو روکنے اور ایسے ہتھیاروں کو کم کرنے کے لیے عالمی کوششوں کا خیر مقدم کرے اسے نئے ہتھیاروں اور ٹیکنالوجی خصوصا مصنوعی ذہانت کے حامل ہتھیاروں کی روک تھام کرنی چاہیے ان ہتھیاروں کا استعمال جنگ کے امکان کو اور بڑھا رہا ہے اور جنگ کو زیادہ مہلک بنا رہا ہے جناب صدر دوسرے ممالک کے تعاون سے پاکستان جب اگلے سال سلامتی کونسل میں اپنی نشست سنبھالے گا تو ان مقاصد کی پیروی کرے گا پاکستان سلوانیہ کو مباحثے کا اختتام کرنے پر مبارکباد پیش کرتا ہے جموں و کشمیر کا مسئلہ حل نہ ہونے سے خطے کے امن کو خطرہ درپیش ہے کشمیر سے متعلق سلامتی کونسل کی قراردادوں پر عمل درامد بہت ضروری ہے طاقت کے غیر قانونی استعمال کو کسی صورت برداشت نہ کیا جائے