لاہورکے تاجر طیفی بٹ کے بہنوئی جاوید بٹ کے قتل میں ملوث شوٹرز نے دوران تفتیش یہ انکشاف کیا کہ انہوں نےجاوید بٹ کو قتل کرنے کے لیے ڈھائی ماہ قبل منصوبہ بندی کی تھی یہ منصوبہ بندی شاہ عالمی میں واقع مصعب کےڈیرے پر ہوئی جہاں جاوید بٹ کو قتل کرنے کے لیے پانچ پانچ لاکھ روپے اور پانچ پانچ مرلے کے گھر دینے کا وعدہ کیا گیا۔
پولیس ذرائع کے مطابق دونوں شوٹرز الیاس اور اظہر کے دیگر مقدمات میں بھی ریکارڈ موجود ہیں
مصعب سے ان دونوں کی ملاقات قابل اعتماد ملازم عارف نے کروائی تھی ملاقات میں مصعب عارف اظہر اور الیاس شامل تھے جبکہ قتل کے وقت عارف پہلے سے موقع واردات پر موجود بھی تھا
نیز ملزمان نے یہ بھی انکشاف کیا کہ جاوید بٹ کو قتل کرنے سے پہلے انہوں نے ریکی کرنے کے لیے رکشے کا استعمال کیا اور 15 روز تک جاوید بٹ کے گھر کے باہر گلی میں سواریوں کے انتظار میں کھڑے ہو کر ریکی کرتے رہے۔
پولیس نے مزید بتایا کہ جاوید بٹ کو دو ستمبر کو قتل کیا گیا قتل سے پہلے 28 اگست کو مصعب دبئی فرار ہو گیا تھا۔ شوٹر تعاقب کرتے ہوئے کینال روڈ پر پہنچے اور سگنل پر گاڑی کھڑی ہوتے ہی فائرنگ کر دی
واضح رہے کہ امیر مصعب مقتول بالاج کا چھوٹا بھائی اور ٹیپو ٹرکاں والا کا بیٹا ہے
رواں ماہ کے آغاز میں لاہور میں امیر بالاج ٹیپو قتل کے نامزد ملزم خواجہ تعریف گلشن عرف طیفی بٹ کے بہنوئی جاوید بٹ کو نامعلوم افراد نے دن کے وقت کنال روڈ پر قتل کر دیا تھا جس کے بعد پولیس نے ملزمان کو خیبر پختونخواہ میں گرفتار کیا۔