وفاقی حکومت نے سپریم کورٹ سے ڈیمز فنڈ کی رقم جو کہ تقریبا 20 ارب روپے ہے کا مطالبہ کر دیا ہے
تفصیلات کے مطابق سپریم کورٹ میں دیا میر بھاشا اور مہمند ڈیم فنڈزکیس کی سماعت ہوئی چار رکنی بینچ نے جسٹس قاضی فائز عیسی کی سربراہی میں بینچ کیس کی سماعت کی
ایڈیشنل اٹارنی جنرل عامر رحمان نے کہا کہ ہم نے ایک متفرق درخواست دائر کی ہے کہ ڈیمز فنڈ کے پیسے وفاق اور واپڈا کو دیے جائیں
جنرل عامر رحمان نے کہا کہ سپریم کورٹ کی زیر نگرانی سٹیٹ بینک نے ایک اکاؤنٹ کھولا تھا جس پر چیف جسٹس پاکستان نے استفسار کیا کہ ڈیمز میں کتنے پیسے ہیں،؟ جس پر وکیل واپڈا سعد رسول نے بتایا کہ تقریبا 20 ارب روپے ڈیم فنڈ میں موجود ہیں

چیف جسٹس نے پوچھا کہ یہ کیس شروع کیسے ہوا تو وکیل واپڈا نے بتایا کہ سپریم کورٹ نے واپڈا کے زیر سماعت مقدمات میں 2018 میں نوٹس لیا تھا سپریم کورٹ کے ڈیمز فنڈز عمل درامد بینچ نے 17 سماعتیں کیں
جسٹس قاضی فائزعیسا نے کہا کہ واپڈا کے اور بھی بہت سے منصوبے ہیں کیا سپریم کورٹ واپڈہ کے ہر منصوبے کی نگرانی کرتی ہے جس پر وکیل واپڈا نے کہا کہ ڈیمز کی تعمیر کے معاملے پر پرائیویٹ فریقین کے درمیان بھی تنازعات تھے سپریم کورٹ نے پرائیویٹ فریقین کے تنازعات اپنے پاس سماعت کے لیے مقرر کیے اس لیے استدعا ہے کہ پرائیویٹ فریقین کے تنازعات متعلقہ عدالتی فارمز پر چلائے جائیں جس پر عدالت نے کیس کا متعلقہ ریکارڈ طلب کر لیا اور سماعت میں وقفہ کر دیا