حال ہی میں ہالی ووڈ کے سپر اسٹار بین ایفلیک سے علیحدگی اختیار کرنے والی امریکی گلوکارہ جینیفر لوپیز کے بارے میں افواہیں ہیں کہ وہ اپنے باڈی گارڈ کے ساتھ محبت میں مبتلا ہیں۔

غیر ملکی میڈیا رپورٹس کے مطابق، جینیفر نے حالیہ دنوں میں واضح کیا تھا کہ وہ اس وقت کسی کو تلاش نہیں کر رہیں، مگر ذرائع کا کہنا ہے کہ وہ اپنے باڈی گارڈ کے ساتھ قریبی تعلقات قائم کر چکی ہیں۔

رپورٹس میں یہ بھی بتایا گیا کہ جینیفر نے اگست 2023 میں بین ایفلیک سے طلاق کی درخواست دی تھی۔ اداکار کے قریبی ذرائع کا کہنا ہے کہ جینیفر اپنی شادی ختم نہیں کرنا چاہتی تھیں، لیکن اب وہ اپنی زندگی میں آگے بڑھنے کی کوشش کر رہی ہیں۔

ذرائع کے مطابق، جینیفر لوپیز اپنی خوشی کو ترجیح دیتے ہوئے اپنی زندگی کو نئے سرے سے ترتیب دینے اور سکون تلاش کرنے کی کوشش کر رہی ہیں۔

اس کے علاوہ، قیاس آرائیاں کی جا رہی ہیں کہ جینیفر اپنی زندگی میں آگے بڑھنے کے لیے اپنے باڈی گارڈ سے تعلقات استوار کر رہی ہیں۔

بین ایفلیک اور جینیفر لوپیز نے گزشتہ برس اپنی راہیں جدا کر لی تھیں اور سوشل میڈیا پر علیحدگی کا اعلان کیا تھا۔ اس جوڑی کی طلاق پر ان کے مداحوں نے دکھ کا اظہار کیا تھا۔

پاکستانی اداکارہ اور ماڈل علیزے شاہ ایک بار پھر تنازعات کی زد میں ہیں۔ ان کی حالیہ بولڈ تصاویر اور ویڈیوز کی وجہ سے انہیں سوشل میڈیا پر کڑی تنقید کا سامنا ہے، جس پر وہ اکثر ردعمل دیتی بھی نظر آتی ہیں۔

حال ہی میں علیزے نے سوشل میڈیا پر ایک اور ویڈیو پوسٹ کی، جس میں وہ گھٹنوں کے بل بیٹھ کر ڈانس کر رہی ہیں۔ ویڈیو میں انہوں نے مختصر اسکرٹ اور ٹاپ پہن رکھا ہے، جس کے بعد سوشل میڈیا صارفین کی جانب سے سخت الفاظ میں تنقید کی جا رہی ہے۔

بعض افراد کا کہنا ہے کہ علیزے کو والدین کی رہنمائی کی ضرورت ہے، جبکہ کچھ ان کے رویے پر مایوسی کا اظہار کر رہے ہیں۔ ناقدین نے اس ویڈیو کو ان کی “اب تک کی سب سے بولڈ” ویڈیو قرار دیا ہے، جس نے مداحوں کو حیرت میں ڈال دیا ہے۔

علیزے شاہ اپنی خوبصورتی اور شاندار اداکاری کی وجہ سے مشہور ہیں اور انسٹاگرام پر ان کے 4.3 ملین سے زائد فالوورز ہیں۔ انہوں نے “عہدِ وفا”، “میرا دل میرا دشمن”، اور “دل موم کا دیا” جیسے مشہور ڈراموں میں اپنی صلاحیتوں کا مظاہرہ کیا ہے۔

حالیہ دنوں میں، ان کا ایک ڈرامہ، جس میں وہ عفان وحید کے ساتھ نظر آ رہی ہیں، مداحوں میں کافی مقبول ہے۔ تاہم، ان کے موجودہ رویے اور ویڈیوز ان کی شخصیت پر سوالیہ نشان لگا رہے ہیں، اور ناقدین انہیں اصلاح کا مشورہ دے رہے ہیں۔