عمران خان کی اہلیہ بشریٰ بی بی نے وزیراعلیٰ علی امین گنڈا پور کو وزارت اعلیٰ سے ہٹانے کی وارننگ دیتے ہوئے کہا کہ کام نہ کرنے پر وزارت اعلیٰ سے ہٹا دیا جائےگا، انہوں نے کہا کہ گزشتہ احتجاج اور قافلوں میں ممبران صرف حاضری شو کرنے کےلئے آئے تھے، 24 نومبر کے احتجاج میں غائب رہنے والوں کا پارٹی سے قطعا کوئی تعلق نہیں ہوگا
عمران خان کی اہلیہ بشریٰ بی بی نے پارٹی رہنماﺅں کو وارننگ دے کر کہا ہے کہ 24 نومبر کو احتجاج میں بہترین کارکردگی دکھانے والوں کو ہی اگلے انتخابات کا ٹکٹ مل سکے گا احتجاج کے متعلق ہدایات پر عمل نہ کرنیوالوں کیخلاف سخت کارروائی کی جائے گی، بشرا بی بی کی زیر صدارت گزشتہ روز ہونے والے اجلاس میں 24 نومبر کے احتجاج کو یقینی بنانے پر زور دیا گیا
میڈیا ذرائع کے مطابق اجلاس میں بشریٰ بی بی نے کہا ہے کہ کسی رہنماء کی پارٹی کے ساتھ دیرینہ وابستگی بھی انتخابات میں پارٹی ٹکٹ کی ضمانت نہیں دے سکتی اگر کوئی بھی کارکن احتجاج کے دوران توقعات پر پورا نہیں اترا تو اس کو پارٹی کا ٹکٹ نہیں ملے گا بشریٰ بی بی اجلاس میں ممبران اسمبلی اور پارٹی عہدیداروں پر شدید ناراض ہو ئیں انہوں نے پارٹی رہنماوں پر زور دیا کہ وہ احتجاج کے دوران گرفتار ہونے سے بچیں جب کہ احتجاج کیلئے موثر تحریک اور وفاداری کی بنیاد پر جماعت میں ان کے مسقبل کا فیصلہ ہوگا
انہوں نے کہا کہ اجلاس کے دوران مجھے گزشتہ احتجاج اور قافلوں کی مکمل رپورٹ دی گئی ث کئی عہدیدار اور ممبران صرف حاضری کیلئے ہی احتجاج میں شریک ہوئے جبکہ کئی عہدیدار اپنے کارکنوں سمیت مختلف مقامات سے واپس ہو گئے تھے انہوں نے کہا کہ اسلام آباد میں ہونے والا احتجاج درحقیقت لوگوں کی پی ٹی آئی سے وفاداری نبھانے کا امتحان ہے انہوں نے کہا ہمارا مقصد بانی پی ٹی آئی عمران خان کی رہائی کو یقینی بنانا ہے اور ہم ان کے بغیر اسلام آباد سے واپس ہرگز نہیں لوٹیں گے
بشریٰ بی بی نے اجلاس سے خطاب کرتے ہوئے یہ ہدایات بھی کیں کہ اس مرتبہ ایسا نہیں ہو گا ہمیں ہر صورت اسلام آباد پہنچنا ہوگا ہدایات پر عمل نہ کرنیوالوں کے خلاف سخت کارروائی کی جائے گی انہوں نے آگاہ کیا کہ کسی بھی رہنما کی پارٹی سے دیرینہ وابستگی بھی انتخابات میں پارٹی ٹکٹ کی ضمانت نہیں اگر وہ احتجاج کے دوران توقعات پر پورا نہ اترے ان کا کہنا تھا کہ اسلام آباد میں ہونے والا احتجاج جماعت کے لوگوں کی پی ٹی آئی سے وفاداری کا امتحان ہے، ہمارا اصل ہدف عمران خان کی رہائی ہے