اسلام آباد عدالت نے تو شہ خانہ جعلی رسیدوں کے کیس میں بانی پی ٹی آئی عمران خان اور ان کی اہلیہ بشرا بی بی کی ضمانتوں میں توسیع کر دی ہے،ایڈیشنل ڈسٹرکٹ اینڈ سیشن جج محمد افضل مجوکا نے عمران خان کی چھ اور بشریٰ بی بی کی ایک درخواست ضمانت قبل از گرفتاری پر سماعت کی جس پر تفتیشی افسر نے توشہ خانہ رسیدوں کی تصدیق کیلئے وقت مانگا ہے،بشریٰ بی بی کی آج حاضری سے رخصت کی درخواست منظور کر لی گئی اور عمران خان کو عدالتی حکم کے باوجود ویڈیو لنک سے پیش نہیں کیا گیا
عدالت نے 7 دسمبر تک عبوری ضمانت میں توسیع کر دی ہے واضح رہے کہ اس سے پہلے ہی جی ایچ کیو حملہ کیس میں نئی تفصیلات جمع کروا دی گئی تھیں۔پولیس کی طرف سے نیا انسپکشن نوٹ عدالت میں جمع کروایا گیا،سانحہ 9 مئی کے جی ایچ کیو حملہ کیس کی سماعت انسداد دہشت گردی عدالت میں ہوئی
جہاں جج امجد علی شاہ کی طرف سے کیس کی سماعت ہوئی،انسداد دہشت گردی عدالت میں دوران سماعت انسپکشن نوٹ کو ضمنی 1 کے فقرہ 44 کے طور پر پیش کیا گیا، یہ نوٹ جی ایچ کیو گیٹ کے طرف 54 مقامات سے جمع کئے گئے شواہد کی مدد سے تیار کیا گیا ہے
انسپکشن نوٹ میں جی ایچ کیو کے باہر نصب آرمی لوگو سمیت فوجی جوان کا مجسمہ توڑنے اور مشعل نما ڈنڈے پر آگ لگانے، ملزم حمزہ لطیف اور ملزم خادم حسین کی موقع سے گرفتاری کا تذکرہ بھی کیا گیا ہے عدالت میں جمع کروائے گئے نوٹ میں یہ کہا گیا ہے کہ جی ایچ کیو گیٹ پر حملے کے دوران راجہ بشارت اور خالد جدون کی زیر قیادت 300 افراد نے پاک آرمی کے خلاف نعرے بازی اور بری زبان استعمال کی تھی نیز مسلح ملزمان ڈنڈوں، پتھروں، پٹرول بم سے مسلح تھے، ملزمان نے راجہ بشارت، خالد جدون کے اشتعال دلانے پر جی ایچ کیو گیٹ پر حملہ کیا تھا
نوٹ میں یہ بھی کہا گیا کہ موقع پر موجود پولیس کے روکنے کے باوجود ملزمان مزاحمت کرتے ہوئے گیٹ توڑ کر اندر داخل ہوگئے تھے ملزمان نے گیٹ کے اندر لگے بریکٹ فین، پلاسٹک کی کرسیاں بھی توڑ دی تھیں، سڑک پر ٹائر جلا کر، پٹرول بموں سے آگ لگائی اور عوام میں خوف و ہراس پیدا کیا انسپکشن نوٹ میں ملزمان کی جی ایچ کیو گیٹ پر حملے کے دوران مختلف اطراف سے آمد اور ملزمان سے پی ٹی آئی جھنڈے، ٹوپیاں، پٹرول بم برآمد ہونے کا ذکر بھی کیا گیا تھا