اسلام آباد ہائی کورٹ نے توشہ خانہ ٹو کیس میں سابق وزیراعظم عمران خان کی ضمانت منظور کرتے ہوئے ان کی رہائی کا حکم دے دیا۔ عدالت نے 10 لاکھ روپے کے مچلکوں کے عوض یہ ضمانت منظور کی۔

جسٹس میاں گل حسن اورنگزیب نے درخواست پر سماعت کے دوران ایف آئی اے کے الزامات کا جائزہ لیا اور کیس کے مختلف پہلوؤں پر سوالات اٹھائے۔ عمران خان کے وکیل، بیرسٹر سلمان صفدر نے دلائل دیتے ہوئے کہا کہ ان کے مؤکل پر جعلی رسیدوں اور ذاتی مفاد کے لیے اثر و رسوخ استعمال کرنے کا الزام ہے، لیکن استغاثہ نے کسی واضح جرم یا مرکزی ملزم کی نشاندہی نہیں کی۔

ایف آئی اے کے پراسیکیوٹر نے عدالت کو بتایا کہ جیولری سیٹ توشہ خانہ میں جمع نہیں کرایا گیا، جس سے ریاست کو نقصان ہوا۔ اس پر عدالت نے استفسار کیا کہ جیولری سیٹ کا تخمینہ کس طرح لگایا گیا اور کسٹمز افسران کے خلاف کیا کارروائی کی گئی؟

عدالت نے کہا کہ پچھلی حکومت توشہ خانہ کی تفصیلات خفیہ رکھتی تھی، لیکن اب ان معاملات پر شفافیت ضروری ہے۔ دوران سماعت، ایف آئی اے نے بشریٰ بی بی کی عدالت میں پیش نہ ہونے کا معاملہ بھی اٹھایا۔

وقفے کے بعد عدالت نے فیصلہ سناتے ہوئے عمران خان کی درخواست ضمانت منظور کرلی اور ان کی رہائی کا حکم دیا

وزیراعلی پنجاب مریم نواز شریف نے ملتان میں گردوں کے امراض میں مبتلا افراد کا ڈائلیسز کروانے والے مریضوں میں ایڈز پھیلنے کے واقعہ پر از خود نوٹس لیتے ہوئے 24 گھنٹے کے اندر رپورٹ طلب کر لی ہے
مریم نواز شریف کی زیر صدارت ایک اجلاس ہوا جس میں ہیلتھ پروگرام اور دیگر پروجیکٹس پر پیشرفت کا جائزہ لیا گیا
انہوں نے اجلاس کے دوران ملک میں پہلے چیف منسٹر ڈائلسز پروگرام کارڈ کی منظوری دی اور ڈائلیسز کروانے والے مریضوں کے علاج کے لیے فنڈز کو 10 لاکھ تک بڑھا دیا جن میں سے ساڑھے آٹھ لاکھ امراض گردہ میں مبتلا مریضوں کے ڈائلیسز کے لیے جبکہ ڈیڑھ لاکھ ٹیسٹ کے لیے مخصوص کیا گیا
انہوں نے عملہ کو ہدایت کی کہ ڈائلسز کے مریضوں کے لیے مفت ادویات اور ٹیسٹ کو یقینی بنایا جائے اور اس مرض میں مبتلا افراد کا ڈائلسز ہر صورت جاری رکھا جائے دوران اجلاس انہوں نے پنجاب کے اندر مزید ڈائلسز یونٹ قائم کرنے پر اتفاق رائے کرتے ہوئے پنجاب ہیلتھ کیئر کمیشن کو ڈائلسز سینٹر میں ایس او پیز پر عمل درآمد کو یقینی بنانے کی ہدایت کی
انہوں نے ڈائلیسز کروانے والے مریضوں میں ایڈز کے پھیلاؤ کو افسوسناک بلکہ شرمناک قرار دیا
اجلاس میں وزیراعلی کو پنجاب سے دیگر صوبوں میں مفت ادویات کی منتقلی کے حوالے سے بھی اگاہ کیا گیا نیز نواز شریف کینسر ہسپتال پر پیش رفت کی رپورٹ بھی پیش کی گئی جس پر انہوں نے ہسپتال کا ہیڈ مقرر کرنے کی ہدایت کی انہوں نے پی آئی سی ٹو کو سٹیٹ آف دی آرٹ ہسپتال بنانے کی ہدایت دیتے ہوئے کہا کہ دل کے امراض کے لیے جدید ترین ٹیکنالوجی الات اور ادویات فراہم کی جائیں ڈاکٹرز کی جدید ترین ٹریننگ کروائی جائے اور اس کے لیے بہترین ٹرینرز تعینات کیے جائیں