آرمی چیف جنرل سید عاصم منیر نے کہا ہے کہ مسلح افواج قوم کی پرزور حمایت کرتے ہوئے تمام خطرات سے نمٹنے کی بھرپور صلاحیت رکھتی ہے
سروسز پبلک ریلیشن کا کہنا ہے کہ آرمی چیف جنرل عاصم منیر نے نارو وال اور سیالکوٹ کا دورہ کیا جہاں کور کمانڈر گجرانوالہ اور انسپیکٹر جنرل آف ٹریننگ اینڈ ایویلو ایشن نے آرمی چیف کی آمد پر ان کا بھرپور استقبال کیا
ا
آرمی چیف جنرل سید منیر نے اپنے دورہ کے موقع پر ٹریننگ مشقوں کا معائنہ بھی کیا اور ان مشقوں کے مقاصد اور انعقاد کے متعلق جامع بریفنگ بھی دی
انہوں نے پورا دن فوجیوں کے ساتھ باہر فیلڈ میں گزارا اور فوجی جوانوں کے تربیتی معیار آپریشنل تیاری اور بلند حوصلے کی داد دیتے ہوئے ان کی حوصلہ افزائی کی
دورہ کے موقع پر آرمر انفنٹری ،میکانائزڈ انفینٹری، آرٹلری ائیر ڈیفنس، آرمی ایوی ایشن ،اینٹی ٹینک گائیڈڈ میزائل یونٹس نے مربوط فائر اور مینیوور آپریشن بھی کیے اسی موقع پر برقی جنگی صلاحیتوں اور معلوماتی آپریشنز کے موثر استعمال کا مظاہرہ بھی کیا گیا
خطاب کے دوران اس موقع پر آرمی چیف نے کہا کہ آرمی قومی حمایت سے مادر وطن کی علاقائی سالمیت اور خود مختاری کی حفاظت کرنے کی بھر پور صلاحیت رکھتی ہے
آئی ایس پی آر کے مطابق ان مشقوں کا مقصد ابھرتے آپریشنل چیلنجز سے نبرد آزما ہونے کے لیے پیشہ ورانہ مہارتوں اور میدان جنگ کے طریقہ کار کو بہتر بنانا ہے
آئی ایس پی آر نے مزید کہا کہ ان اپریشن کو دشمن کے مواصلات کا خلل ڈالنے اور جدید میدان جنگ کے ماحول میں غلط معلومات کی حکمت عملیوں کا مقابلہ کرنے کے لیے خصوصی طور پر ڈیزائن کیا گیا ہے