وزیراعظم پاکستان شہباز شریف نے حکم دیا ہے کہ دھرنوں میں قانون کی خلاف ورزی کرنے والوں اور سرکاری املاک کو نقصان پہنچانے والوں کو سزائیں دی جائیں
وزیراعظم پاکستان کی زیر صدارت 24 نومبر کے دھرنے میں فساد کی تحقیقات کے حوالے سے قائم ہونے والی ٹاسک فورس کا اجلاس ہوا
دوران گفتگو شہباز شریف نے کہا کہ انتشار پھیلانے والوں کے خلاف سخت قانونی کاروائی کی جائے گی اور اس کاروائی کا ہفتہ وار جائزہ بھی لیا جائے گا
انہوں نے کہا کہ بیلاروس کے صدر کے دورے کے موقع پر وفاقی دارالحکومت میں لشکر کشی کرنا شدید شرمندگی کا باعث ہے نیز انہوں نے کہا کہ دور حاضر کے جدید تقاضوں کو پورا کرتے ہوئے عالمی معیار کے مطابق انسدادفسادات فورس بنائی جائے گی
انہوں نے مزید کہا کہ اسلام آباد سیف سٹی میں فرانزک لیب کا اضافہ کر کے اسے بین الاقوامی معیار کے مطابق بنایا جائے گا فرانزک لیب کو بین الاقوامی معیار پر لانے کے لیے تمام تر وسائل کو استعمال کیا جائے گا
دوران اجلاس بریفنگ دی گئی کہ موقع واردات سے اسلح کارتوس کے خول اور دیگر شواہد بھی اکٹھے کیے گئے ہیں اور یہ تمام شواہد فرانزک کے لیے بھیجے جائیں گے نیز واردات کے وقت موجود فسادیوں کی شناخت کا عمل بھی تیزی سے مکمل کیا جا رہا ہے اور شناخت کے بعد تمام فسادیوں کو عدالت کے روبرو بھی کیا جائے گا یاد رہے کہ 29 نومبر کو وزیراعظم شہباز شریف نے دارالحکومت اسلام آباد میں انتشار پیدا کرنے والوں کے خلاف ٹاسک فورس بنانے کا اعلان کیا تھا
اسلام آباد کے اندر دوران اجلاس وزیراعظم نے وزیر داخلہ سینیٹر محسن نقوی کی زیر صدارت ٹاسک فورس قائم کی تھی