محکمہ تعلیم کی طرف سے سرکاری اسکولوں میں تدریسی اوقات کے دوران موبائل فون کے استعمال پر پابندی لگا دی گئی ہے۔میڈیا رپورٹ کے مطابق ڈسپلن و شفاف تدریسی نظام کے لئے 20 نکاتی گائیڈ لائنز بھی جاری کر دی گئی ہیں، ڈسٹرکٹ، تحصیل ایجوکیشن افسران اور اسکول سربراہان کو یہ ہدایات بھی کی گئی ہیں کہ گائیڈ لائنز پر عمل در آمد کو یقینی بنایا جائے۔

محکمہ تعلیم کی طرف سے جاری کردہ مراسلہ کے مطابق اساتذہ، طلبہ اور نان ٹیچنگ اسٹاف کے تدریسی اوقات میں بند موبائل فون ہیڈ ٹیچر کو جمع کروائے جائیں گے، اسٹاف کے لیے ڈریس کوٹ اور بند شوز پہننا لازمی ہو گا، ٹیچرز اور طلبہ کے لیے اپنے نام کا بیچ لگانا ضروری ہوگا۔طلبہ نیوی بلیو جرسی اور یونیفارم پہنیں گے، مرکزی گیٹ پر اوقات کار کا بورڈ لگانا ضروری ہو گا، ہر کلاس کا سی آر بھی ضرور ہو گا، اسکول میں مختلف نعروں کے تین یا چار پینا فلیکس لگائے جائیں گے، طلبہ رجسٹر کا استعمال کریں گے، وائٹ بورڈ کے ایک کارنر پر حاضر و غیر حاضر طلبہ اور مضمون کا خانہ بھی موجود ہو گا، پڑھایا جانے والا مضمون اور اس سے چچمتعلق اہم نکات بورڈ پر درج ہوں گے۔طلبہ کے ناخن اور بال کٹنگ روزانہ کی بنیاد پر چیک ہو ں گے، اساتذہ کے لیے گھڑی پہننا لازمی ہوگا، اسمبلی میں ہیڈ سمیت تمام ٹیچرز کی حاضری
لازمی قرار دے دی گئی ہے۔
دوسری جانب پنجاب کے تمام سرکاری اور غیر سرکاری اسکولوں میں موسم گرما کی چھٹیوں کے حوالے سے بھی اعلان کر دیا گیا ہے سیکرٹری سکولز پنجاب خالد نذیر وٹو کا کہنا ہے کہ اس سال سکولوں میں موسم گرمہ کی چھٹیاں 20 دن کے لیے ہوں گی پنجاب بھر کے تمام اسکول 20 دسمبر سے موسم سرما کی چھٹیوں کا اغاز کریں گے اور یہ چھٹیاں 10 جنوری تک جاری رہیں گی