بھارتی خفیہ انٹیلیجنس ایجنسی ’’را‘‘ ایک بار پھر عالمی سطح پر بے نقاب ہو گئی ہے، جب پہلگام حملے کے حوالے سے حیران کن خفیہ دستاویزات منظرِ عام پر آ گئیں، جنہوں نے اس حملے کو ایک فالس فلیگ آپریشن ثابت کر دیا۔ لیک ہونے والی دستاویزات کے مطابق یہ کارروائی را کی جانب سے باقاعدہ منصوبہ بندی کے تحت کی گئی، جس کا مقصد پاکستان کے خلاف جھوٹا بیانیہ تشکیل دینا اور عالمی سطح پر اسے بدنام کرنا تھا۔

ذرائع کے مطابق، یہ دستاویزات سوشل میڈیا ایپلیکیشن ’’ٹیلی گرام‘‘ کے ذریعے لیک ہوئیں، جن میں نہ صرف حملے کا مکمل منصوبہ موجود ہے بلکہ اس میں را کی جانب سے میڈیا، سوشل میڈیا، اور مختلف اداروں کو دی جانے والی واضح ہدایات بھی درج ہیں۔ ان دستاویزات میں کہا گیا ہے کہ حملے کے بعد 36 گھنٹے کے اندر پاکستان کے خلاف بیانیہ بنانا تھا، لیکن بھارتی میڈیا نے جلد بازی میں فوری الزام پاکستان پر ڈال کر پورا منصوبہ ناکام بنا دیا۔

دستاویزات میں ’’Psy Ops‘‘ کے تحت میڈیا کو ہدایات دی گئی تھیں کہ حملے کو غیر مسلموں پر حملہ ظاہر کیا جائے اور اسے ریاستی سیکیورٹی کا مسئلہ بنا کر پیش کیا جائے۔ اس مقصد کے لیے میڈیا ٹیموں کو پہلے سے مقام پر پہنچانے، جعلی ویڈیوز بنانے، اور ایڈٹ شدہ گواہوں کے بیانات تیار کرنے کی ہدایات بھی شامل تھیں۔

را کی یہ خفیہ منصوبہ بندی صرف پہلگام تک محدود نہ تھی۔ دستاویز میں بلوچستان میں سرگرم گروپس جیسے بی ایل اے اور بی این اے کی متحرک کرنے کی حکمت عملی بھی موجود تھی تاکہ پاکستان میں داخلی انتشار پیدا کیا جا سکے۔ اسی طرح، چین کے ساتھ اقتصادی شراکت داری جیسے منصوبوں—خصوصاً سی پیک اور گوادر—پر بھی نظر رکھنے کی ہدایات درج تھیں۔

دستاویز کے مطابق، اس منصوبے کو امریکی نائب صدر جے ڈی وینس کی ممکنہ سفارتی موجودگی سے ہم آہنگ کر کے ترتیب دیا گیا تھا تاکہ عالمی توجہ حاصل کی جا سکے اور دہشت گردی کے خلاف ہمدردی سمیٹی جا سکے۔ مزید انکشاف یہ بھی کیا گیا کہ حملے کے بعد ’’بلیک اسٹیٹس‘‘ کے تحت تمام فیلڈ آپریٹو کو خاموش کر دیا جائے گا تاکہ ثبوت مٹایا جا سکے۔

دفاعی ماہرین کا کہنا ہے کہ یہ انکشاف بھارتی ریاست کی جانب سے ایک مرتبہ پھر کشمیریوں کے خلاف نفرت اور پاکستان دشمنی پر مبنی پالیسیوں کو عیاں کرتا ہے۔ سیاسی فائدے کے لیے معصوم جانوں کو نشانہ بنانا مودی سرکار کا پرانا طریقہ ہے، اور یہ دستاویز اس امر کا ناقابلِ تردید ثبوت ہے کہ پہلگام واقعہ بھی ایک فالس فلیگ آپریشن تھا، جس کی منصوبہ بندی را نے کی اور بھارتی حکومت نے اس کی منظوری دی۔

ٹیکنالوجی کمپنی اوپن اے آئی نے چیٹ جی پی ٹی کے سرچ ٹول میں متعدد نئے فیچرز شامل کر دیے ہیں، جن میں سب سے نمایاں فیچر آن لائن شاپنگ کا ہے۔ اس نئے فیچر کی مدد سے صارفین اب براہ راست چیٹ جی پی ٹی کے ذریعے اشیاء تلاش کر سکتے ہیں، ان کا موازنہ کر سکتے ہیں اور مناسب انتخاب کے بعد خریداری بھی کر سکتے ہیں۔

یہ اپ ڈیٹس گزشتہ برس اکتوبر میں متعارف کرائے گئے سرچ فیچرز کو مزید بہتر بناتی ہیں، اور ان سے یہ ظاہر ہوتا ہے کہ اوپن اے آئی اپنی ٹیکنالوجی کے ذریعے گوگل اور دیگر سرچ انجنز کے لیے ایک مضبوط متبادل بنتا جا رہا ہے۔

اوپن اے آئی نے یہ بھی واضح کیا ہے کہ چیٹ جی پی ٹی کے ذریعے نظر آنے والی مصنوعات اشتہارات نہیں ہوں گی، بلکہ ان کا انتخاب خودکار سسٹم کے ذریعے کیا جائے گا، جس کا مقصد صارفین کو غیر جانبدار اور معیاری نتائج فراہم کرنا ہے۔

یہ شاپنگ فیچرز چیٹ جی پی ٹی کے تمام صارفین کے لیے دستیاب کر دیے گئے ہیں، جس سے انٹرنیٹ پر خریداری کا انداز مزید سہل اور مؤثر ہو جائے گا۔