Connect with us

news

چیف جسٹس یحییٰ آفریدی: ججز ٹرانسفر آئینی اقدام، وفاق پورے ملک کا ہے

Published

on

چیف جسٹس یحییٰ آفریدی

چیف جسٹس یحییٰ آفریدی نے کہا ہے کہ وفاق پورے ملک کا ہے۔ انہوں نے ججز کی ٹرانسفر کو خوش آئند قرار دیتے ہوئے کہا کہ اسلام آباد ہائیکورٹ میں ایک بلوچی اور ایک سندھی بولنے والے جج آئے ہیں۔ چیف جسٹس آف پاکستان یحییٰ آفریدی نے پریس ایسوسی ایشن کی حلف برداری کی تقریب میں خطاب کرتے ہوئے کہا کہ میں اپنے دائرہ اختیار کو بلا خوف و خطر استعمال کروں گا۔

چیف جسٹس یحییٰ آفریدی نے اسلام آباد ہائی کورٹ کے ججز کی ٹرانسفر پر بات کرتے ہوئے کہا کہ ان ججز کی حوصلہ افزائی ہونی چاہیے کیونکہ اسلام آباد وفاق کی علامت ہے۔ انہوں نے واضح کیا کہ ججز کے ٹرانسفر کے معاملے کو مکس نہیں کیا جانا چاہیے اور یہ بھی بتایا کہ وہ کیوں ججز کی ٹرانسفر پر راضی ہوئے۔

یہ ٹرانسفرز آئین کے تحت ہوئے ہیں، اور ایک بلوچی بولنے والا جج اور ایک سندھی بولنے والا جج آئے ہیں۔ وفاق پورے ملک کا ہے اور آرٹیکل 200 کے تحت یہ ایک اچھا اقدام ہے۔ انہوں نے مزید کہا کہ ہمیں سکول بھیجا جاتا ہے کہ آپ جینٹل مین بن کر آئیں۔ ججز کی تعیناتی اور ٹرانسفر دونوں الگ معاملات ہیں، اور دوسرے صوبوں کے ججز کو بھی فیئر چانس ملنا چاہیے۔ اسلام آباد ہائی کورٹ کسی ایک خاص کی نہیں بلکہ پورے پاکستان کی ہے، اس لیے اس اقدام کو ججز کو سراہنا چاہیے۔ چیف جسٹس یحییٰ آفریدی نے یہ بھی کہا کہ مزید ججز بھی دیگر صوبوں سے آنے چاہئیں۔

news

دوسری چیف آف آرمی سٹاف نیشنل انٹر کلب ہاکی چیمپیئن شپ 2025 کی افتتاحی تقریب

Published

on

نیشنل انٹر کلب ہاکی چیمپئن شپ 2025

دوسری چیف آف آرمی سٹاف نیشنل انٹر کلب ہاکی چیمپئن شپ 2025 کے فائنل راؤنڈ کا آغاز آج ایک رنگا رنگ افتتاحی تقریب کے ساتھ ہوا۔ مہمان خصوصی لیفٹیننٹ جنرل فیاض حسین شاہ نے ہاکی لیجنڈز، پی ایچ ایف کے عہدیداروں اور کھیلوں کے شائقین کی بڑی تعداد کی موجودگی میں ٹورنامنٹ کے افتتاح کا اعلان کیا۔

افتتاحی تقریب میں سکول کے بچوں اور کھلاڑیوں نے کثیر تعداد میں شرکت کی۔ تقریب میں ٹورنامنٹ کی ٹرافی کی رونمائی بھی کی گئی۔ چیمپئن شپ کے آفیشل گانے، ملی نغموں اور پاکستان رینجرز پنجاب کے بینڈ نے حاضرین کے جوش و خروش میں مزید اضافہ کیا۔

معزز مہمانوں میں ہاکی کے قومی ہیروز چوہدری اختر رسول، منظور الحسن، توقیر ڈار، شہباز احمد سینئر، طاہر زمان، آصف باجوہ، انجم سعید، دانش کلیم، کامران اشرف، محمد خالد، طارق شیخ، شیخ محمد عثمان، محمد کاشف، محمد عاصم، میاں زاہد اقبال اور بابر عبداللہ کے علاوہ صدر پاکستان ہاکی فیڈریشن (پی ایچ ایف) میر طارق حسین بگٹی اور سیکرٹری رانا مجاہد علی شامل تھے۔

سیکرٹری پی ایچ ایف نے قومی کھیل کی بحالی کے لیے مسلسل تعاون پر پاک فوج کا شکریہ ادا کیا۔ انہوں نے ایونٹ میں شریک ٹیموں، عہدیداروں اور منتظمین کو بھی سراہا اور کامیاب انعقاد پر مبارکباد دی۔

فائنل راؤنڈ میں دس بہترین ٹیمیں شامل ہیں، جنہوں نے ضلعی، ڈویژنل اور صوبائی راؤنڈز کے بعد قومی سطح کے مقابلوں کے لیے کوالیفائی کیا ہے۔ ٹورنامنٹ کا آغاز 20 دسمبر 2024 سے پاکستان بھر میں ضلعی سطح کے مقابلوں سے ہوا، جس میں 57 اضلاع سے 11594 کھلاڑیوں نے 527 کلبوں کی نمائندگی کرتے ہوئے حصہ لیا۔ پنجاب سے چار، سندھ اور کے پی کے سے دو دو اور بلوچستان، گلگت بلتستان ، آزاد کشمیر اور اسلام آباد سے ایک ایک ٹیم فائنل مرحلے کے لیے کوالیفائی کر چکی ہے۔ یہ ٹیمیں قومی سطح پر اپنی صلاحیتوں اور مہارت کا مظاہرہ کرتے ہوئے چیمپئن شپ ٹرافی کے لیے مقابلہ کریں گی۔

بہترین دس ٹیموں کے درمیان مقابلے 15 فروری 2025 کو منعقد ہونے والے فائنل میچ اور اختتامی تقریب تک جاری رہیں گے

جاری رکھیں

news

نواز شریف اور مریم نواز سے پنجاب اسمبلی اراکین کی ملاقات

Published

on

وزیراعلیٰ پنجاب مریم نواز

پاکستان مسلم لیگ (ن) کے صدر نواز شریف اور وزیراعلیٰ پنجاب مریم نواز سے راولپنڈی، اٹک، مری، چکوال، وزیرآباد، حافظ آباد اور منڈی بہاؤالدین سے منتخب ہونے والے پنجاب اسمبلی کے ارکان نے ملاقات کی۔

پارٹی کی جانب سے جاری کردہ بیان کے مطابق، ملاقات کے دوران ملک کی مجموعی صورتحال، عوام کے مسائل اور حلقوں میں ترقیاتی کاموں پر گفتگو ہوئی۔ ارکان اسمبلی نے وزیراعلیٰ مریم نواز شریف کو صوبے میں بہترین کارکردگی پر خراج تحسین پیش کیا۔

انہوں نے کہا کہ مریم نواز شریف نے محمد نواز شریف اور شہباز شریف کے دور کی کارکردگی کی یاد تازہ کر دی ہے۔ سیاسی تعصبات سے پاک شفافیت اور میرٹ پر ترقیاتی کاموں کی تکمیل خوش آئند اور مثبت سیاسی روایت ہے۔ سستی اور وافر کھاد کی دستیابی پر وزیراعلیٰ مریم نواز شریف مبارکباد اور شاباش کی مستحق ہیں۔

ارکان اسمبلی نے کہا کہ کسان کارڈ کی بدولت آڑھتیوں سے چھٹکارا ملنے پر کاشتکار خوشحال ہوا ہے۔ صحت کے پورے نظام کی بہتری، مفت ادویات اور گھر کی دہلیز پر علاج، ہونہار سکالرشپ کی فراہمی اور ستھرا پنجاب کی سکیمیں قابل تحسین ہیں۔ اجتماعی شادیوں کے “دھی رانی پروگرام” کو عوام میں بہت پذیرائی ملی ہے۔

اس موقع پر اراکین پنجاب اسمبلی سے گفتگو کرتے ہوئے سابق وزیراعظم اور مسلم لیگ (ن) کے صدر نواز شریف نے کہا کہ آپ سب میری طاقت اور عزت ہیں۔

جاری رکھیں

Trending

backspace
caps lock enter
shift shift
صحافت نیوز کی بورڈ Sahafatnews.com   « » { } ~