Connect with us

news

ٹرمپ نے ایران کے سپریم لیڈر کو قتل کرنے کا اسرائیلی منصوبہ ویٹو کر دیا

Published

on

ٹرمپ


ایران کے سپریم لیڈر آیت اللہ علی خامنہ ای کو قتل کرنے کے لیے اسرائیل کی جانب سے ایک خفیہ منصوبے کا انکشاف ہوا ہے، لیکن امریکی صدر ٹرمپ نے اس منصوبے کو ویٹو کر دیا۔ غیر ملکی خبررساں ادارے کی رپورٹ کے مطابق، امریکی حکام نے اس منصوبے کو مسترد کرتے ہوئے کہا ہے کہ امریکا سیاسی قیادت کو نشانہ بنانے کی پالیسی نہیں رکھتا اور اس پر بات کرنا بھی مناسب نہیں ہے۔ اس خبر پر ردعمل دیتے ہوئے اسرائیلی وزیر اعظم بنیامن نیتن یاہو نے ان رپورٹس کو بے بنیاد قرار دیا۔ ان کا کہنا تھا کہ امریکی صدر کے بارے میں میڈیا میں بہت سی باتیں گردش کرتی رہتی ہیں جو حقیقت میں کبھی نہیں ہوتیں، اور وہ ان باتوں پر توجہ نہیں دیتے۔ انہوں نے مزید کہا کہ اسرائیل ہمیشہ وہی کرتا ہے جو ضروری ہوتا ہے اور آئندہ بھی اپنی حکمت عملی پر عمل کرتا رہے گا۔ اسرائیلی فوجی حکام نے بھی اشارہ دیا کہ ایرانی سپریم لیڈر پر حملے کا امکان رد نہیں کیا جا سکتا۔ جب اسرائیلی فوج کے ترجمان ایفی ڈیفرین سے یہ پوچھا گیا کہ آیا آیت اللہ خامنہ ای ان کے ممکنہ اہداف میں شامل ہیں، تو انہوں نے اس پر واضح جواب دینے سے گریز کرتے ہوئے کہا کہ وہ اس بارے میں کوئی وضاحت نہیں کریں گے۔ یہ پیشرفت ایسے وقت پر سامنے آئی ہے جب مشرق وسطیٰ میں کشیدگی اپنے عروج پر ہے، اور اسرائیل و ایران کے درمیان سفارتی تعلقات بھی شدید تناؤ کا شکار ہیں۔

مزید پڑھیں
تبصرہ کریں

Leave a Reply

Your email address will not be published. Required fields are marked *

news

کینیڈا میں پاکستانی ٹیکسٹائل کا چرچا: ATS شو 2025ء میں خریداروں کی بھرپور توجہ

Published

on

By

کینیڈا

کینیڈا کے شہر مسّی ساگا میں 29 ستمبر سے یکم اکتوبر 2025ء تک جاری رہنے والے “اپیرل ٹیکسٹائل سورسنگ (ATS) شو” میں پاکستانی ٹیکسٹائل صنعت نے شاندار شرکت کی۔ اس بین الاقوامی تجارتی میلے میں پاکستان سمیت چین، بنگلا دیش، ویتنام اور کینیڈا کے نمائندوں نے حصہ لیا، جس نے اس نمائش کو عالمی سورسنگ اور صنعت سے جڑے ماہرین کے لیے ایک نمایاں پلیٹ فارم بنا دیا۔

پاکستانی نمائش کنندگان نے اعلیٰ معیار کی ویلیو ایڈڈ مصنوعات پیش کیں، جن میں اسپورٹس ویئر، ٹیکنیکل ٹیکسٹائلز اور حفاظتی ملبوسات شامل تھے۔ یہ نمائش پاکستان کی ٹیکسٹائل صنعت میں مہارت، پائیداری اور ہائی پرفارمنس مصنوعات کی ترقی کی بھرپور عکاسی کرتی ہے۔

شرکاء نے بتایا کہ اس سال کا رسپانس سابقہ برسوں کی نسبت خاصا بہتر رہا، اور متعدد خریداروں و صنعت کاروں سے مثبت تجارتی روابط قائم ہوئے۔ اس موقع پر شمالی امریکا میں ابھرتے ہوئے رجحانات، خاص طور پر ماحول دوست ٹیکسٹائل کی بڑھتی ہوئی مانگ سے متعلق قیمتی معلومات بھی حاصل کی گئیں، جو آئندہ تجارتی حکمتِ عملی کے لیے معاون ثابت ہوں گی۔

جاری رکھیں

news

سپریم کورٹ میں 26ویں آئینی ترمیم پر سماعت کا آغاز

Published

on

By

سپریم کورٹ

سپریم کورٹ آف پاکستان میں 26ویں آئینی ترمیم کے خلاف دائر درخواستوں پر باقاعدہ سماعت کا آغاز ہو چکا ہے، جس کی سربراہی جسٹس امین الدین کر رہے ہیں۔ آٹھ رکنی آئینی بینچ میں جسٹس جمال خان مندوخیل، جسٹس محمد علی مظہر، جسٹس عائشہ ملک، جسٹس حسن اظہر رضوی، جسٹس مسرت ہلالی، جسٹس نعیم افغان اور جسٹس شاہد بلال شامل ہیں۔ دورانِ سماعت جسٹس امین نے واضح کیا کہ عدالت آئین کے دائرے میں رہتے ہوئے کام کرے گی اور جب تک آئینی ترمیم واپس نہیں لی جاتی، عدالت کو موجودہ آئین پر ہی انحصار کرنا ہوگا۔

جسٹس مسرت ہلالی نے ریمارکس دیے کہ چونکہ عدالت نے 26ویں آئینی ترمیم کو معطل نہیں کیا، اس لیے اسے فی الحال آئین کا حصہ تصور کیا جائے گا۔ درخواست گزار وکیل حامد خان نے دلائل دیتے ہوئے کہا کہ یہ ترمیم پارلیمنٹ سے غیر معمولی انداز میں، رات کے وقت منظور کرائی گئی، اور سپریم کورٹ کے تمام ججز کو بینچ کا حصہ ہونا چاہیے۔ ان کا کہنا تھا کہ 26ویں ترمیم کے ذریعے جوڈیشل کمیشن کی ساخت متاثر ہوئی ہے، اور ججز کی اکثریت کو اقلیت میں تبدیل کر دیا گیا ہے، جس سے عدلیہ کی آزادی پر براہِ راست اثر پڑا ہے۔

عدالتی بینچ نے وکیل سے آئینی بینچ کے اختیارات پر دلائل طلب کیے اور یہ سوال اٹھایا کہ عدالت کس اختیار کے تحت فل کورٹ تشکیل دے سکتی ہے۔ جسٹس عائشہ ملک نے نشاندہی کی کہ جوڈیشل آرڈر کے ذریعے فل کورٹ کی تشکیل پر کوئی قدغن نہیں ہے، اور اگر عام مقدمات میں فل کورٹ تشکیل دی جا سکتی ہے تو اس حساس آئینی معاملے میں کیوں نہیں؟

جاری رکھیں

Trending

Copyright © 2024 Sahafat Group of Publications . Powered by NTD.

backspace
caps lock enter
shift shift
صحافت نیوز کی بورڈ Sahafatnews.com   « » { } ~