news
کومل عزیز خان: شادی کا تصور خوفزدہ کرتا ہے، خودمختاری اولین ترجیح ہے
پاکستانی شوبز انڈسٹری کی خوبرو اور باصلاحیت اداکارہ کومل عزیز خان نے حال ہی میں ایک مارننگ شو میں شرکت کے دوران اپنی ذاتی زندگی کے ایک حساس پہلو پر بات کی، جس نے مداحوں کو حیران کر دیا۔
انٹرویو کے دوران میزبان نے جب ان سے پوچھا کہ انہیں کس چیز سے سب سے زیادہ خوف محسوس ہوتا ہے تو کومل عزیز نے بلا جھجک اعتراف کیا کہ شادی ان کے لیے خوف کی علامت بن چکی ہے۔ اداکارہ نے کہا کہ وہ خود کو ایک بہادر عورت سمجھتی ہیں، جو دھرنوں میں کھڑی ہو سکتی ہیں، کاروبار چلا سکتی ہیں اور تنازعات کا سامنا کر سکتی ہیں، مگر شادی کا تصور انہیں خوفزدہ کر دیتا ہے۔
کومل عزیز نے بتایا کہ بچپن سے اب تک انہوں نے اپنے اردگرد جتنی بھی شادیاں دیکھی ہیں، وہ زیادہ متاثر کن نہیں تھیں، جس کی وجہ سے ان کے دل میں شادی کے حوالے سے ہچکچاہٹ اور خوف بیٹھ گیا۔ ان کا کہنا تھا کہ ان کی اولین ترجیح ہمیشہ خودمختاری رہی ہے: خود کمائی، خود فیصلے لینا، اپنی زندگی اپنے طریقے سے گزارنا۔
اداکارہ نے مزید کہا کہ انہوں نے اپنے دفتر کی کئی خواتین کو شادی کے بعد ملازمت چھوڑتے دیکھا ہے، جس نے ان کے اندر یہ خوف مزید پختہ کر دیا کہ کہیں شادی ان کی آزادی اور خودمختاری کو متاثر نہ کر دے۔ تاہم، انہوں نے خوشی کا اظہار کرتے ہوئے کہا کہ ان کے اپنے خاندان میں ایسا ماحول نہیں ہے کہ شادی کے بعد عورت کو محدود کر دیا جائے، جس کی وجہ سے وقت کے ساتھ ساتھ ان کا یہ خوف کچھ حد تک کم ہو رہا ہے۔
کچھ عرصہ قبل ایک اور انٹرویو میں کومل عزیز نے یہ بھی واضح کیا تھا کہ وہ کسی ایسے شخص سے شادی کریں گی جو نہ صرف ان سے زیادہ کماتا ہو بلکہ زندگی میں کامیاب بھی ہو، کیونکہ ان کے نزدیک برابری، سمجھ داری اور باہمی عزت ایک کامیاب رشتے کی بنیاد ہیں۔ کومل کا کہنا تھا کہ انہوں نے اپنے ہونے والے شریکِ حیات کے لیے جو معیار مقرر کیے ہیں، شاید وہی ان کی شادی میں تاخیر کی ایک بڑی وجہ ہیں۔
کومل عزیز کی یہ صاف گوئی اور اپنی آزادی کے لیے ان کا عزم مداحوں میں خاصی پذیرائی حاصل کر رہا ہے۔
واشنگٹن:
وفاقی وزیر خزانہ و محصولات سینیٹر محمد اورنگزیب نے کہا ہے کہ پاکستان سعودی عرب تزویراتی شراکت داری کو مزید مضبوط بنانے کی ضرورت ہے۔ انہوں نے زور دیا کہ سعودی عرب کو ایم 6 موٹروے، ایم ایل ون، سکل ڈویلپمنٹ اور آئی ٹی انفراسٹرکچر کے منصوبوں میں شریک ہونا چاہیے۔
یہ بات انہوں نے عالمی بینک اور آئی ایم ایف کے سالانہ اجلاسوں کے موقع پر سعودی فنڈ برائے ترقی کے سی ای او سلطان عبدالرحمٰن المِرشَد سے ملاقات میں کہی۔ وزیر خزانہ نے تیل کی مؤخر ادائیگی کی سہولت پر سعودی عرب کا شکریہ ادا کیا اور پاکستان سعودی عرب تزویراتی شراکت داری کے دائرے کو مزید بڑھانے کی خواہش ظاہر کی۔
علاوہ ازیں، وزیر خزانہ نے امریکی اور عالمی مالیاتی عہدیداران سے بھی ملاقاتیں کیں جن میں تجارت، توانائی، زراعت اور ڈیجیٹل اثاثوں کے شعبوں میں تعاون کے امکانات پر بات ہوئی۔ انہوں نے پاکستان میں جاری معاشی اصلاحات اور استحکام کی پالیسیوں پر روشنی ڈالی۔
گروپ 24 کے اجلاس میں وزیر خزانہ نے کہا کہ پاکستان نے ٹیکس، توانائی اور پبلک سیکٹر میں اصلاحات کے ذریعے میکرو اکنامک استحکام حاصل کیا۔ ان کا کہنا تھا کہ موسمیاتی تبدیلی اور علاقائی تجارت کے چیلنجز سے نمٹنے کے لیے عالمی تعاون ناگزیر ہے۔
وزیر خزانہ نے عالمی بینک کے نائب صدر عثمان دیون سے ملاقات میں نئے کنٹری پارٹنرشپ فریم ورک پر بات کی اور موسمیاتی لچک کے لیے امداد کی درخواست کی۔
کینیڈا کے شہر مسّی ساگا میں 29 ستمبر سے یکم اکتوبر 2025ء تک جاری رہنے والے “اپیرل ٹیکسٹائل سورسنگ (ATS) شو” میں پاکستانی ٹیکسٹائل صنعت نے شاندار شرکت کی۔ اس بین الاقوامی تجارتی میلے میں پاکستان سمیت چین، بنگلا دیش، ویتنام اور کینیڈا کے نمائندوں نے حصہ لیا، جس نے اس نمائش کو عالمی سورسنگ اور صنعت سے جڑے ماہرین کے لیے ایک نمایاں پلیٹ فارم بنا دیا۔
پاکستانی نمائش کنندگان نے اعلیٰ معیار کی ویلیو ایڈڈ مصنوعات پیش کیں، جن میں اسپورٹس ویئر، ٹیکنیکل ٹیکسٹائلز اور حفاظتی ملبوسات شامل تھے۔ یہ نمائش پاکستان کی ٹیکسٹائل صنعت میں مہارت، پائیداری اور ہائی پرفارمنس مصنوعات کی ترقی کی بھرپور عکاسی کرتی ہے۔
شرکاء نے بتایا کہ اس سال کا رسپانس سابقہ برسوں کی نسبت خاصا بہتر رہا، اور متعدد خریداروں و صنعت کاروں سے مثبت تجارتی روابط قائم ہوئے۔ اس موقع پر شمالی امریکا میں ابھرتے ہوئے رجحانات، خاص طور پر ماحول دوست ٹیکسٹائل کی بڑھتی ہوئی مانگ سے متعلق قیمتی معلومات بھی حاصل کی گئیں، جو آئندہ تجارتی حکمتِ عملی کے لیے معاون ثابت ہوں گی۔
-
news1 month ago14 سالہ سدھارتھ ننڈیالا کی حیران کن کامیابی: دل کی بیماری کا پتہ چلانے والی AI ایپ تیار
-
کھیل5 months ago
ایشیا کپ 2025: بھارت کی دستبرداری کی خبروں پر بی سی سی آئی کا ردعمل
-
news6 months ago
رانا ثناءاللہ کا بلاول کے بیان پر ردعمل: سندھ کے پانی کا ایک قطرہ بھی استعمال نہیں کریں گے
-
news6 months ago
اداکارہ علیزہ شاہ نے سوشل میڈیا سے کنارہ کشی کا اعلان کر دیا
