Connect with us

news

نوشہرہ دارالعلوم حقانیہ میں خودکش حملہ، مولانا حامد الحق سمیت 7 افراد شہید، ابتدائی رپورٹ

Published

on

مولانا حامد الحق

صوبہ خیبرپختونخواہ کے علاقہ نوشہرہ میں دارالعلوم حقانیہ میں ہونے والے خودکش حملے کی ابتدائی رپورٹ تیار کر لی گئی ہے۔ رپورٹ کے مطابق یہ دھماکہ جامعہ دارالعلوم حقانیہ کے اندر نماز جمعہ کے دوران ہوا، جو کہ خودکش تھا۔ اس دھماکے میں تقریباً 4 سے 5 کلو بارودی مواد استعمال کیا گیا۔ خودکش حملہ آور سیڑھیوں کے قریب موجود تھا، اور جب مولانا حامد الحق نماز پڑھ کر باہر نکلے تو حملہ آور نے انہیں نشانہ بنایا۔ اس حملے کا اصل ہدف بھی مولانا حامد الحق ہی تھے۔

یہ بھی بتایا گیا ہے کہ دارالعلوم حقانیہ اکوڑہ خٹک میں ہونے والے خودکش دھماکے کا مقدمہ درج کر لیا گیا ہے۔ یہ مقدمہ تھانہ سی ٹی ڈی مردان میں شہید مولانا حامد الحق کے زخمی صاحبزادے عبدالحق کی مدعیت میں درج کیا گیا ہے۔ نامعلوم خودکش حملہ آور کے خلاف درج کیے جانے والے مقدمے میں قتل، اقدام قتل، دہشت گردی اور دیگر دفعات شامل کی گئی ہیں۔ اس حوالے سے قانون نافذ کرنے والے ادارے تحقیقات میں مصروف ہیں اور شواہد اکٹھے کیے جا رہے ہیں تاکہ حملے کے ذمہ داروں تک پہنچا جا سکے۔ پولیس اور سکیورٹی ادارے واقعے کی وجوہات اور پس منظر کا جائزہ لے رہے ہیں، اور علاقے میں سکیورٹی مزید سخت کر دی گئی ہے۔

یہ بھی بتایا جا رہا ہے کہ نوشہرہ میں نماز جمعہ کے دوران دہشت گردی کا یہ واقعہ پیش آیا، جس میں دارالعلوم حقانیہ اکوڑہ خٹک کی مسجد میں خودکش دھماکے میں مولانا سمیع الحق کے بیٹے کو نشانہ بنایا گیا۔

news

پاکستان سے آم کی برآمدات میں 25 ہزار ٹن کا اضافہ، ہدف 1.25 لاکھ ٹن مقرر

Published

on

آم کی برآمدات

کراچی: پاکستان سے آم کی برآمدات کا ہدف رواں سیزن میں بڑھا دیا گیا ہے۔ پاکستان فروٹ اینڈ ویجی ٹیبل ایسوسی ایشن (PFVA) کے مطابق گزشتہ سال ایک لاکھ ٹن آم برآمد کیا گیا تھا، جبکہ اس سال ایک لاکھ پچیس ہزار ٹن آم ایکسپورٹ کرنے کا ہدف مقرر کیا گیا ہے۔ برآمدات کا آغاز 25 مئی سے ہوگا، جس سے ملک کو 10 کروڑ ڈالر کا زرمبادلہ حاصل ہونے کی توقع ہے۔

ایسوسی ایشن کے سرپرست اعلیٰ وحید احمد کا کہنا ہے کہ رواں سیزن میں آم کی پیداوار میں 20 فیصد کمی کا سامنا ہے، جس کی بڑی وجہ ماحولیاتی تبدیلیاں اور پانی کی قلت ہے۔ پیداوار کا تخمینہ 14 لاکھ 40 ہزار ٹن لگایا گیا ہے۔ تاہم اس کے باوجود ایکسپورٹ ہدف بڑھایا گیا ہے، اور خوش آئند بات یہ ہے کہ اس سال پاکستان کو جنوبی افریقہ کی نئی منڈی تک رسائی کا امکان ہے۔

انہوں نے بتایا کہ جنوبی افریقہ کے قرنطینہ ماہرین کا وفد جلد پاکستان کا دورہ کرے گا، جبکہ چین اور ترکی کی منڈیوں کو خاص ترجیح دی جا رہی ہے۔ جاپان، آسٹریلیا، امریکہ اور جنوبی کوریا میں موجودہ برآمدی مواقع کو مزید مستحکم کرنے کی کوششیں بھی جاری ہیں۔

وحید احمد نے حکومت سے مطالبہ کیا کہ وہ شپنگ کمپنیوں کی جانب سے غیر منصفانہ اضافی فریٹ چارجز کا نوٹس لے، تاکہ برآمد کنندگان کو نقصان سے بچایا جا سکے۔ انہوں نے زور دیا کہ موسمیاتی اثرات سے نمٹنے کے لیے آم کی نئی اقسام کی کاشت اور تحقیق و ترقی (R&D) پر توجہ دینا وقت کی اہم ضرورت ہے۔

جاری رکھیں

news

فیصل واوڈا کا دفاعی بجٹ دوگنا کرنے کا مطالبہ، افواج پاکستان کی تنخواہوں میں اضافے کی تجویز

Published

on

سینیٹر فیصل واوڈا

اسلام آباد: پیپلز پارٹی اور متحدہ قومی موومنٹ کے ووٹوں سے منتخب آزاد سینیٹر فیصل واوڈا نے سینیٹ اجلاس میں خطاب کرتے ہوئے ملک کے دفاعی بجٹ کو دو سے تین گنا بڑھانے کا مطالبہ کیا ہے۔ ان کا کہنا تھا کہ ہمیں اپنا پیٹ کاٹ کر بھی افواج پاکستان کی تنخواہوں میں اضافہ کرنا ہوگا کیونکہ فوجی رمضان جیسے مہینے میں محض دو ہزار روپے میں سحری، افطاری اور رات کا کھانا کرتے ہیں۔ اگر ایک سپاہی کے چار بچے ہوں تو گویا ہم صرف 11 روپے روزانہ دے کر ان کی خدمات لے رہے ہیں، جو ناانصافی کے مترادف ہے۔

فیصل واوڈا نے کہا کہ پاکستان کی افواج ہماری سلامتی کی ضامن ہیں اور حالیہ معرکوں میں دشمن کے 285 اہلکاروں کو ہلاک کر کے دشمن کو واضح پیغام دیا گیا ہے۔ ان کے مطابق آرمی چیف جنرل سید عاصم منیر کی واضح ہدایت تھی کہ کسی شہری کو نقصان نہ پہنچے، اور افواج پاکستان نے اپنی پیشہ ورانہ مہارت سے بھارت کو بھرپور جواب دیا۔

انہوں نے کہا کہ پاکستان اور بھارت کے درمیان فوجی تعداد کا فرق ضرور ہے، لیکن ہماری پیشہ وارانہ صلاحیت اور جذبہ اس کمی کو پورا کرتا ہے۔ ان کا کہنا تھا کہ اب وقت آ گیا ہے کہ ترقیاتی منصوبوں سے زیادہ توجہ دفاع پر دی جائے، اور اس مقصد کے لیے حکومت کو اپوزیشن کو اعتماد میں لے کر آگے بڑھنا ہوگا۔ واوڈا نے اس بات پر زور دیا کہ قومی سلامتی پر کوئی سمجھوتہ ممکن نہیں اور پوری قوم افواج پاکستان کے ساتھ کھڑی ہے۔

جاری رکھیں

Trending

backspace
caps lock enter
shift shift
صحافت نیوز کی بورڈ Sahafatnews.com   « » { } ~