سپریم کورٹ میں زیر سماعت آئینی بینچ نے الیکشن میں 50 فیصد سے زائد ووٹ لینے والے امیدواروں کو کامیاب قرار دینے کی درخواست خارج کر دی ہے
سات رکنی آئینی بنچ نے جسٹس امین الدین کی سربراہی میں کیس سماعت کی
جسٹس محمد علی مظہر کا سوال تھا کہ کس آئینی شق کے مطابق امیدوار کے لیے الیکشن میں 50 فیصد ووٹ کو لازمی قرار دیا جائے؟ الیکشن میں ڈالے گئے ووٹوں پر کامیاب امیدوار کا فیصلہ کیا جاتا ہے
جسٹس عائشہ ملک نے سوال کیا کہ پہلے یہ بتایا جائے کہ درخواست گزار کا کونسا بنیادی حق متاثر ہوا ہےاور آئین کی کن شقوں کی خلاف ورزی ہو رہی ہے؟
جسٹس جمال مندوخیل نے کہا کہ اگر کوئی نیا قانون بنوانا ہے تو سپریم کورٹ کے پاس اس کا اختیار نہیں
درخواست گزار کے وکیل کا کہنا تھا کہ ہماری زندگی کا فیصلہ پارلیمنٹ کرتی ہے
جس پر جسٹس امین الدین خان نے کہا کہ زندگی کا فیصلہ تو پارلیمنٹ نہیں کرتی
جسٹس مسرت ہلالی کا بیان تھا کہ تمام لوگوں کو ووٹ کا حق ہے، پھر بھی پولنگ کے دن لوگ ٹی وی دیکھتے ہیں، ووٹ ڈالنے نہیں جاتے، اگر ووٹرز ووٹ نہ ڈالیں تو یہ ان کی کمزوری ہے
اس موقع پر جسٹس مندوخیل نے سوال کیا کہ کیا آپ نے فروری 2024ء کے الیکشن میں ووٹ کاسٹ کیا؟
درخواست گزار نے کہا کہ میں نے الیکشن میں اپنا ووٹ کاسٹ نہیں کیا
جسٹس جمال مندوخیل نےاس پر کہا کہ آپ پھر آئین کی توہین کر رہے ہیں
آئینی بینچ نے بے بنیاد اور فضول مقدمے بازی پر درخواست گزار پر 20 ہزار روپے کا جرمانہ عائد کر دیا
جس پر درخواست گزار کا کہنا تھا کہ جرمانہ کم از کم 100 ارب روپے تو کر دیں تاکہ ملک کا قرضہ ہی کم ہو جائے
جس پر جسٹس امین الدین خان بول اٹھے کہ 100 ارب روپے کا جرمانہ دینے کی آپ کی حیثیت نہیں ہے
نیز سیاسی جماعتوں میں شمولیت کی پابندی سے متعلق اپیل بھی نمٹا دی گئی
آئینی بینچ نے آزاد امیدواروں کو سیاسی جماعتوں میں شامل ہونے کا پابند بنانے سے متعلق اپیل کو غیر مؤثر ہونے کی بنیاد پر نمٹا دیا
واضح رہے کہ درخواست گزار ویڈیو لنک کے ذریعے آئینی بینچ کے سامنے پیش ہوئے
جسٹس امین الدین نے کہا کہ آپ کو عدالتی احاطے میں شمولیت کی اجازت دی گئی ہے آپ کے لیے اتنا ہی کافی ہے
درخواست گزار نے کہا کہ معاملہ طے ہو گیا ہے، میری درخواست غیر مؤثر ہو چکی ہے۔
بحریہ ٹاؤن کو بلیک لسٹ کرنے کی درخواست بھی خارج کر دی گئی ہے
سپریم کورٹ میں زیر سماعت آئینی بینچ نے بحریہ ٹاؤن کو بلیک لسٹ کرنے کی درخواست خارج کر دی
واضح رہےکہ آئینی بینچ نے عدم پیروی پر درخواست خارج کی ہے
درخواست گزار محمود اختر کی طرف سے درخواست دائر کی گئی تھی جبکہ
درخواست گزار محمود اختر کیس کی سماعت کے دوران عدالت میں پیش نہیں ہوئے