ملکی باخبر ذرائع کے مطابق ہیپاٹائٹس روبیلا ممپس اور گردوں کے امراض سے متعلق ویکسین اور ادویات کی انتہائی قلت پیدا ہو گئی ہے۔
ریبیز سے بچاؤ کے لیے اینٹی ریبیز اور ٹیٹنس کے علاج کے لیے ٹیٹنس امیونو گلوبلین بھی ناپید ہو چکی ہیں۔
ماہرین کے مطابق امینو گلوبلین کو ٹیٹنس کا انفیکشن روکنے کے لیے استعمال کیا جاتا ہے اگر بروقت ویکسینیشن نہ ملے تو تشنج سے 30 سے 40 فیصد تک کیسز میں موت واقع ہو جاتی ہے اینٹی ریبیز ہم امیونوگلو بلین کو ریبیز ویکسینیشن کے ساتھ دینا انتہائی ضروری ہے۔
فارماسیوٹیکل مینوفیکچررز ایسوسییشن چیر مین آف پاکستان تو قیر الحق نے کہا کہ اگرچہ دوا ساز ادارے مقامی طور پر کچھ ادو یات بنا رہے ہیں نیز باہر سے دوآئی امپورٹ کرنے کا مسئلہ بھی جلد ہی حل ہو جائے گا۔
دوسری جانب امپورٹرز کا کہنا ہے کہ دوائیوں کی قیمت کے متعلق ڈریپ کو لکھ دیا گیا ہے اگر قیمتیں مقرر نہیں کی جائیں گی تو امپورٹ نہیں ہو سکیں گے۔
اس سلسلے میں ہسپتال کے حکام کا کہنا ہے کہ سرکاری ہسپتالوں میں کچھ عرصے سے لائیو سیونگ ڈرگز کی کمی ہو گئی ہے۔