واٹس ایپ، انسٹنٹ میسجنگ ایپلی کیشن، اپنے صارفین کے لیے اسٹیٹس فیچر میں ایک نیا اضافہ کرنے جا رہی ہے۔

واٹس ایپ جلد ہی اپنے صارفین کو اسٹیٹس میں میوزک شامل کرنے کی سہولت فراہم کرے گی۔ یہ فیچر فی الحال اینڈرائیڈ اور آئی او ایس ورژن کے مخصوص بِیٹا صارفین کے لیے آزمایا جا رہا ہے۔

میٹا کے فوٹو اور ویڈیو شیئرنگ پلیٹ فارم انسٹاگرام پر یہ سہولت پہلے ہی موجود ہے، جہاں صارفین اپنی اسٹوریز میں میوزک شامل کر سکتے ہیں۔

واٹس ایپ بِیٹا انفو کے مطابق، یہ پلیٹ فارم اس وقت اینڈرائیڈ صارفین کے لیے اس فیچر پر کام کر رہا ہے۔ یہ آزمایشی فیچر فی الحال صرف ان صارفین کے لیے دستیاب ہے جنہوں نے واٹس ایپ بِیٹا اینڈرائیڈ 2.25.2.5 ورژن انسٹال کیا ہوا ہے، اور جلد ہی یہ فیچر دیگر اینڈرائیڈ صارفین کے لیے بھی جاری کر دیا جائے گا۔

واٹس ایپ بِیٹا انفو نے یہ بھی بتایا ہے کہ آئی او ایس بِیٹا 25.1.10.73 اپ ڈیٹ کے ذریعے آئی او ایس صارفین کے لیے بھی یہی فیچر متعارف کرایا جائے گا۔

کراچی:
ماری منرلز پرائیوٹ لمیٹڈ نے سینڈک میں مائننگ کے لیے ایک اہم معاہدہ طے کر لیا ہے۔

ماری انرجیز نے اس معاہدے کی تفصیلات پاکستان اسٹاک ایکسچینج کو بھیج دی ہیں۔

اسٹاک ایکسچینج کو ارسال کردہ خط کے مطابق، ماری انرجیز کی ذیلی کمپنی ماری منرلز پرائیوٹ لمیٹڈ نے کوہ سلطان مائننگ کمپنی کے ساتھ معاہدہ کیا ہے۔

خط میں یہ بھی بتایا گیا کہ ماری منرلز پرائیوٹ لمیٹڈ نے اس معاہدے کے ذریعے 5 فیصد شراکت داری حاصل کر لی ہے، جبکہ کوہ سلطان مائننگ کمپنی بلوچستان کے چاغی میں سینڈک مائننگ پراجیکٹ کا انتظام کر رہی ہے۔