معروف اداکارہ نیلم منیر نے مہندی کی تصاویر اور ویڈیوز شیئر کرنے کے بعد اب نکاح کی تصاویر بھی سوشل میڈیا پر شیئر کی ہیں جو تیزی سے وائرل ہو گئی ہیں۔

نیلم منیر نے تین جنوری کی شام کو نکاح کی تصاویر پوسٹ کیں، جن میں انہوں نے سفید رنگ کا لباس پہنا ہوا ہے اور ایک عرب لباس میں ملبوس شخص کے ساتھ رومانوی انداز میں فوٹوشوٹ کرایا ہے۔

انسٹاگرام پر وائرل ہونے والی ان تصاویر میں نیلم منیر کو اپنے شوہر کے ساتھ دبئی کے مختلف مقامات پر خوشگوار موڈ میں دیکھا جا سکتا ہے۔

اس سے پہلے، اداکارہ نے اپنی مایوں کی تقریب کی تصاویر بھی سوشل میڈیا پر شیئر کی تھیں، جن میں انہوں نے زرد رنگ کا روایتی لباس پہنا ہوا تھا اور یہ تصاویر کراچی کے ایک خوبصورت مقام پر لی گئی تھیں۔

نکاح کی تصاویر میں نیلم منیر اور ان کے شوہر کو دبئی کے مختلف مقامات پر فوٹوشوٹ کرتے ہوئے دیکھا جا سکتا ہے، جن کے پس منظر میں دبئی کی مشہور عمارتیں، بشمول دنیا کی بلند ترین عمارت برج خلیفہ، نظر آ رہی ہیں۔

نیلم منیر نے تصاویر شیئر کرتے ہوئے یہ بھی بتایا کہ انہوں نے نئی زندگی کا آغاز کر لیا ہے اور اپنے مداحوں سے دعاؤں میں یاد رکھنے کی درخواست کی ہے، تاہم انہوں نے اپنے شوہر کا نام اور نکاح و شادی کی تفصیلات نہیں بتائیں۔

ہالی ووڈ کی معروف اداکارہ نکول کڈمین اپنی فلموں کے ذریعے کم عمر لڑکوں کے ساتھ تعلقات کے رجحان کو فروغ دے رہی ہیں۔

اداکارہ نے حال ہی میں ایک ایسی فلم میں کام کیا ہے جس میں وہ خود سے آدھی عمر کے لڑکے کے ساتھ محبت میں مبتلا ہیں۔ اس سے پہلے بھی وہ اسی موضوع پر ایک فلم میں کام کر چکی ہیں۔

نکول نے حال ہی میں ریلیز ہونے والی فلم ’بے بی گرل‘ میں ایک ایسی خاتون کا کردار ادا کیا ہے جو اپنی عمر سے کم عمر لڑکے سے محبت کرنے لگتی ہے۔

’بے بی گرل‘ کی ریلیز کے بعد یہ بات واضح ہو گئی ہے کہ نکول کڈمین بڑی عمر کی خواتین کے کم عمر مردوں کے ساتھ تعلقات کو فلموں میں شامل کرنے کا رجحان رکھتی ہیں۔ اس فلم میں ان کے مدمقابل ہیرس ڈکنسن ہیں۔

حقیقی زندگی میں نکول کڈمین کی عمر 57 سال ہے جبکہ ہیرس ڈکنسن 28 سال کے ہیں، یعنی ان دونوں کے درمیان تقریباً 30 سال کا فرق ہے۔ یہ فرق فلم کی ریلیز سے پہلے ہی بحث کا ایک اہم موضوع رہا، خاص طور پر اس لیے کہ بڑی عمر کی خواتین کو کم عمر مردوں کے ساتھ ڈیٹنگ کرتے ہوئے دکھانے کا رجحان بڑھتا جا رہا ہے۔

فلم کے ڈائریکٹر رین نے کڈمین اور ڈکنسن کے عمر کے فرق کا دفاع کرتے ہوئے کہا کہ بڑی عمر کی خواتین کو کم عمر مردوں کے ساتھ ڈیٹنگ کرتے ہوئے دیکھنا ایک عام بات ہونی چاہیے۔ انہوں نے یہ بھی کہا کہ ہر عورت کے تعلقات کی نوعیت مختلف ہو سکتی ہے۔