کاروبار
سوزوکی ایوری پر 4.5 لاکھ روپے کا شاندار کیش بونس – محدود مدت کی پیشکش
پاکستان سوزوکی موٹر کمپنی (PSMC) نے کار خریداروں کے لیے ایک شاندار پیشکش متعارف کرائی ہے، جس کے تحت سوزوکی ایوری وی ایکس (VX) ماڈل پر 4 لاکھ 50 ہزار روپے کا کیش بونس یا ڈسکاؤنٹ دیا جائے گا۔ کمپنی کے مطابق یہ آفر محدود مدت کے لیے ہے اور کسی بھی وقت بغیر اطلاع کے تبدیل یا ختم کی جا سکتی ہے۔ سوزوکی ایوری کو گزشتہ سال کے آخر میں متعارف کرایا گیا تھا، جو طویل عرصے تک مقبول رہنے والے بولان ماڈل کا متبادل ہے۔
اس گاڑی کی اصل قیمت 29 لاکھ 12 ہزار 230 روپے ہے اور ڈسکاؤنٹ کے بعد خریداروں کو نمایاں مالی فائدہ حاصل ہوگا۔ سوزوکی ایوری میں 660 سی سی ڈوہیک 12-والو وی وی ٹی انجن دیا گیا ہے جو 5,700 آر پی ایم پر 43 ہارس پاور اور 3,700 آر پی ایم پر 58 نیوٹن میٹر ٹارک پیدا کرتا ہے، جبکہ 5-اسپیڈ مینول ٹرانسمیشن کے ساتھ آتا ہے۔ ماہرین کے مطابق یہ آفر خاندانی یا کاروباری استعمال کے لیے ایک جدید، کشادہ اور قابل اعتماد گاڑی خریدنے کا بہترین موقع ہے۔