انٹرٹینمنٹ
ماہرہ خان کا بالی وڈ پوسٹر سے نام ہٹانے پر دوٹوک ردعمل: ’مجھے فرق نہیں پڑتا‘
پاک بھارت کشیدگی کے دوران بھارتی فلم انڈسٹری نے پاکستانی فنکاروں پر پابندیاں عائد کرتے ہوئے بالی وڈ فلموں سے ان کے نام اور تصاویر ہٹا دی تھیں۔ اس حوالے سے معروف پاکستانی اداکارہ ماہرہ خان، جنہوں نے شاہ رخ خان کے ساتھ فلم “رئیس” میں کام کیا تھا، نے پہلی بار کھل کر ردعمل دیا ہے۔
ایک حالیہ انٹرویو میں ماہرہ خان نے کہا کہ فلم کے پوسٹر سے ان کی تصویر ہٹانے پر انہیں ذرا برابر بھی افسوس نہیں ہوا۔ انہوں نے کہا، ’’میں نے اس پر صرف ہنسی، یہ بالکل بے معنی حرکت تھی۔ مجھے اس سے کوئی فرق نہیں پڑا، بلکہ یہ ایک احمقانہ قدم تھا۔‘‘
ماہرہ خان نے اپنے مؤقف سے واضح کر دیا کہ وہ ایسی منفی سوچ یا سیاسی دباؤ سے متاثر ہونے والی شخصیت نہیں ہیں۔ ان کے مطابق فنکار سرحدوں سے بالاتر ہوتے ہیں، اور فن کو سیاست کی بھینٹ چڑھانا افسوسناک ہے۔