news
فیصل واوڈا کا عمران خان سے ملاقات کی تردید، شہباز شریف کیلئے مذاکرات کا سنہری موقع
سینئر سیاسی رہنماء فیصل واوڈا نے عمران خان سے جیل میں ہونے والی اہم ملاقات کی خبروں کو بے بنیاد قرار دیتے ہوئے کہا ہے کہ ان کی خواہش تو تھی، لیکن ایسی کوئی ملاقات نہیں ہوئی۔ فیصل واوڈا نے کے ایک پروگرام میں یہ بھی کہا کہ جنگ کے دوران پاکستانی میڈیا نے شاندار کردار ادا کیا، اور اس اتحاد کے ماحول میں وزیراعظم شہباز شریف کے پاس مذاکرات شروع کرنے کا بہترین موقع ہے۔ دوسری جانب، وزیراعظم شہباز شریف نے پاک نیوی ڈاک یارڈ کے دورے کے دوران کہا کہ بری، فضائی اور بحری افواج نے شاندار ہم آہنگی کے ساتھ ملک کا دفاع کیا، اور دشمن کو ایسا سبق سکھایا جو ہمیشہ یاد رکھا جائے گا۔ انہوں نے آرمی چیف، نیول چیف، اور ائر چیف سمیت تمام مسلح افواج کی تعریف کی اور دفاعی کامیابیوں کو معاشی فتوحات میں تبدیل کرنے کے عزم کا اظہار کیا۔