کچھی بولان میں پنیر ریلوے اسٹیشن کے قریب دہشت گردوں نے کوئٹہ سے پشاور جانے والی جعفر ایکسپریس پر حملہ کیا، جس کے نتیجے میں 400 مسافروں کو یرغمال بنا لیا گیا۔

جب جعفر ایکسپریس سبی کے قریب پہنچی تو دہشت گردوں نے ٹریک کو دھماکے سے اڑا دیا، اور پہاڑوں سے اندھا دھند فائرنگ شروع کر دی جس سے ٹرین کا ڈرائیور زخمی ہو گیا۔ زخمی ڈرائیور نے ٹرین کو واپس سرنگ میں لے جانے کی کوشش کی، لیکن دہشت گردوں نے اسے دونوں طرف سے گھیر لیا اور یرغمال بنا لیا۔

فورسز کا آپریشن جاری ہے جس میں 4 گن شپ ہیلی کاپٹرز شامل ہیں، اور اسپیشل کمانڈوز نے بھی حصہ لیا ہے۔ اس آپریشن کے دوران 16 دہشت گرد ہلاک کیے گئے ہیں جبکہ خواتین اور بچوں سمیت 104 مسافروں کو بازیاب کر لیا گیا ہے۔

سکیورٹی ذرائع کے مطابق، دہشت گردوں نے خواتین اور بچوں کو ڈھال کے طور پر استعمال کیا ہے۔ امریکی نشریاتی ادارے نے ریلوے کے سینئر افسر عمران حیات کے حوالے سے بتایا کہ اس کارروائی میں ٹرین کے ڈرائیور سمیت 10 افراد شہید ہو چکے ہیں۔

سکیورٹی ذرائع کا کہنا ہے کہ دہشت گرد افغانستان میں اپنے ماسٹر مائنڈ سے رابطے میں رہے، جبکہ بھارتی اور ملک دشمن میڈیا بھی متحرک ہو گیا ہے۔ دہشت گرد درجنوں مسافروں کو اپنے ساتھ لے گئے، اور رات گئے تک سیکیورٹی فورسز کا کلیئرنس آپریشن جاری رہا۔

کالعدم تنظیم بی ایل اے نے اس حملے کی ذمہ داری قبول کر لی ہے، اور سبی اور کوئٹہ کے علاقے میں صورتحال کشیدہ ہے۔

اسلام آباد کی انسدادِ دہشت گردی کی عدالت نے پی ٹی آئی کے بانی کی اہلیہ بشریٰ بی بی کی دو مقدمات میں عبوری ضمانت میں توسیع کر دی ہے۔

بشریٰ بی بی کے خلاف 26 نومبر کو ڈی چوک پر ہونے والے احتجاج کے کیس کی سماعت ہوئی۔

بشریٰ بی بی کی ایک اور بانی پی ٹی آئی کے چھ مقدمات میں عبوری ضمانتوں میں توسیع کی گئی ہے۔

انسدادِ دہشت گردی کی عدالت کے جج ابو الحسنات ذوالقرنین نے درخواستِ ضمانت پر سماعت کی۔

عدالت نے بشریٰ بی بی کی تھانہ سیکریٹریٹ کے مقدمے میں عبوری ضمانت کو 28 اپریل تک اور تھانہ کراچی کمپنی کے مقدمے میں 29 اپریل تک توسیع دے دی۔

جج ابوالحسنات محمد ذوالقرنین نے کہا کہ میں آج کے آرڈر میں یہ لکھ دوں گا کہ بشریٰ بی بی کو شاملِ تفتیش کیا جائے۔