وال اسٹریٹ جرنل نے رپورٹ کیا ہے کہ ایکس کے سربراہ ایلون مسک اور دیگر سرمایہ کاروں کے ایک گروپ نے چیٹ جی پی ٹی کی مالک کمپنی اوپن اے آئی کو 97.4 ارب ڈالر میں خریدنے کی پیشکش کی ہے۔

نیویارک ٹائمز نے اس صورتحال کو ایلون مسک اور اوپن اے آئی کے چیف ایگزیکٹیو سیم آلٹمن کے درمیان مصنوعی ذہانت کے حوالے سے جاری برسوں پر محیط نجی تنازعے میں اضافے کے طور پر بیان کیا ہے۔ اگرچہ دونوں شخصیات اوپن اے آئی کے بانی ہیں، لیکن اب بورڈ آف ڈائریکٹرز سیم آلٹمن کے ساتھ ہم آہنگ ہیں۔

سیم آلٹمن نے اپنے سابق شراکت دار کو ایکس پر جواب دیتے ہوئے کہا کہ آپ کا شکریہ، لیکن اگر آپ چاہیں تو ہم ٹوئٹر کو 9.74 ارب ڈالر میں خرید لیں گے۔

اس پر ایلون مسک نے سیم آلٹمن کو ‘دھوکے باز’ قرار دیا۔

قریبی ذرائع کے مطابق اوپن اے آئی نے اس پیشکش پر غور نہیں کیا ہے۔ یہ پیشکش ایک کنزوشیم کی جانب سے دی گئی ہے جس میں وی وائے کیپیٹل اور شائی (جو ایلون مسک کی اے آئی کمپنی ہے) شامل ہیں، جبکہ اوپن اے آئی نے فنڈ ریزنگ کی کوششوں پر توجہ مرکوز کرنے کا فیصلہ کیا ہے۔

بانی پی ٹی آئی عمران خان نے آج آرمی چیف جنرل عاصم منیر کو تیسرا خط بھیجنے کا فیصلہ کیا ہے۔ انہوں نے خط کے مندرجات پارٹی رہنماوں کو بتا دیئے ہیں۔ عمران خان کا یہ خط 6 نکات پر مشتمل ہوگا۔ راولپنڈی کی اڈیالہ جیل کے باہر میڈیا سے بات کرتے ہوئے بانی پی ٹی آئی کے وکیل فیصل چوہدری نے کہا کہ عمران خان نے آرمی چیف کو یہ خط بھیجنے کا فیصلہ کیا ہے۔

عمران خان کے تیسرے خط میں ڈیپ سٹرکچرل ریفارمز، حکومت کی پالیسیوں سے جمہوریت کو پہنچنے والے نقصانات اور دیگر اہم نکات شامل ہوں گے۔ انہوں نے مزید کہا کہ بانی پی ٹی آئی نے تیسرے خط کے حوالے سے تمام نکات پارٹی رہنماﺅں کو بتا کر ہدایات دے دی ہیں۔

یہ بات بھی قابل ذکر ہے کہ عمران خان نے پہلے کہا تھا کہ انہوں نے آرمی چیف جنرل عاصم منیر کو دو خط اس لیے لکھے تھے کیونکہ جمہوری راستے بند کر دیے گئے تھے۔

پہلے سنسر شپ تھی، اب پیکا بھی آ گیا ہے اور سوشل میڈیا کو بھی روکا جا چکا ہے۔ اڈیالہ جیل میں صحافیوں سے گفتگو کرتے ہوئے بانی پی ٹی آئی نے خطوط لکھنے کی وجوہات بیان کی تھیں۔ ان کا کہنا تھا کہ ہم نے 8 فروری کا ذکر نہیں کیا، بلکہ صرف 9 مئی اور 26 نومبر کے لیے جوڈیشل کمیشن کا مطالبہ کیا تھا۔ ان کے مقاصد میں سے ایک یہ تھا کہ 8 فروری کی دھاندلی کو نہ کھولا جائے۔