پاکستان مسلم لیگ ن کے صدر نواز شریف نے کہا ہے کہ بے ایمانی کے ساتھ آنے والے شخص نے ملک کی بنیادیں ہلا دی تھیں، لیکن ہم نے پاکستان کی خاطر ہنستے ہوئے قربانیاں دیں اور آئندہ بھی دریغ نہیں کریں گے۔ میڈیا رپورٹس کے مطابق نواز شریف اور وزیر اعلیٰ پنجاب مریم نواز سے پنجاب اسمبلی کے ارکان نے ملاقات کی۔ اس دوران ارکان اسمبلی سے گفتگو کرتے ہوئے نواز شریف نے کہا کہ شہباز شریف کی محنت رنگ لا رہی ہے، زوال کا رخ ترقی کی طرف موڑ دیا ہے۔ معاشی اعشاریوں کی بہتری پاکستان کی بہتری ہے، اور ہم معیشت میں بہتری لا کر ایک بار پھر پاکستان کو سنوار رہے ہیں۔ اللہ تعالیٰ کا شکر ہے کہ پاکستان سیاہ اندھیروں سے باہر آ رہا ہے، اور مسلم لیگ ن نے یہ ثابت کر دیا ہے کہ ہم ہی ملک کی خدمت کرتے ہیں اور عوام کو ریلیف دیتے ہیں۔

انہوں نے مزید کہا کہ پالیسی ریٹ میں 22 سے 12 فیصد کی کمی سے معاشی سرگرمیاں بڑھ رہی ہیں اور معیشت کو فائدہ ہو رہا ہے۔ روپیہ مستحکم ہوا ہے اور گروتھ میں اضافہ ہو رہا ہے، جبکہ اسٹاک ایکسچینج بلند ترین سطح پر ہے اور مہنگائی کم ہو رہی ہے۔ عالمی مالیاتی ادارے آئی ایم ایف نے بھی معاشی بحالی اور پاکستان کی ترقی کی طرف بڑھنے کا اعتراف کیا ہے۔ اسی طرح پنجاب کی رونقیں اور خوشیاں بھی بحال ہو رہی ہیں، اللہ نظر بد سے بچائے۔

2016 کی مشہور بالی ووڈ رومانوی ڈرامہ فلم ’صنم تیری قسم‘ کی دوبارہ ریلیز نے ایک بار پھر اس کی مقبولیت میں اضافہ کر دیا ہے۔ اس کے بعد، فلم کے میکرز نے اس کے سیکوئل کا اعلان کیا ہے۔

فلم کے مرکزی اداکار ہارش وردھن رانے اور ماورا حسین کی جوڑی نے شائقین کی توجہ دوبارہ حاصل کر لی ہے، اور اب مداح بے صبری سے ’صنم تیری قسم 2‘ کے بارے میں کسی بھی خبر کا انتظار کر رہے ہیں۔

حالیہ انٹرویو میں، فلم کے ہدایتکاروں رادھیکا راؤ اور ونے سپرو نے بتایا کہ سیکوئل کی کہانی پہلے حصے کی تحریر کے دوران ہی دو حصوں میں تقسیم کی گئی تھی۔ انہوں نے یہ بھی کہا کہ دوسرے حصے کی کہانی پہلے سے مکمل ہے اور فلم کی ریلیز کے لیے ویلنٹائن ڈے 2026 کو ہدف بنایا گیا ہے۔

فلم کے پہلے حصے کے آخری منظر، جہاں اندر درخت کے قریب پہنچتا ہے اور سارو (ماورا حسین) کی آواز گونجتی ہے، کے بارے میں ہدایتکاروں نے وضاحت کی کہ یہ منظر خاص طور پر سیکوئل کے لیے پس منظر تیار کرنے کے لیے رکھا گیا تھا۔

ہدایتکاروں نے مزید بتایا کہ فلم کے زیادہ تر گانے تیار ہو چکے ہیں اور مداحوں کے شاندار ردعمل کے پیش نظر، وہ ’صنم تیری قسم 2‘ کو جلد ہی باضابطہ طور پر لانچ کرنے کا ارادہ رکھتے ہیں۔