بھارتی کامیڈین اداکارہ ارچنا پورن سنگھ نے بتایا ہے کہ شوٹنگ کے دوران ایک حادثے میں ان کے ہاتھ میں فریکچر ہو گیا ہے۔

بھارتی میڈیا کے مطابق، ارچنا نے اپنے یوٹیوب وی لاگ میں اس واقعے کی تفصیلات شیئر کیں اور اسپتال سے اپنی کچھ تصاویر اور ویڈیوز بھی انسٹاگرام پر پوسٹ کی ہیں۔

انہوں نے وضاحت کی کہ وہ اداکار راج کمار راؤ کے ساتھ اپنی نئی فلم کی شوٹنگ کے دوران زخمی ہوئیں، جس کی وجہ سے ان کی کلائی ٹوٹ گئی۔ انہیں فوری طور پر ممبئی کے اسپتال منتقل کیا گیا، جہاں ان کی سرجری کی گئی۔

اداکارہ کے وی لاگ میں دکھایا گیا کہ وہ شوٹنگ کے دوران گر کر زخمی ہوئیں، اور ان کی چیخیں سنائی دیں۔

وی لاگ کے آخر میں اداکارہ کو سرجری کے بعد اسپتال سے ڈسچارج ہوتے اور اپنے شوہر اور بچوں سے ملتے ہوئے دکھایا گیا۔ ارچنا نے کہا کہ وہ بظاہر ٹھیک نظر آ رہی ہیں، لیکن انہوں نے ایک بڑی سرجری کا سامنا کیا ہے۔

یہ بھی واضح رہے کہ ارچنا پورن سنگھ کے زخمی ہونے کی وجہ سے فلم کے ان سینز کی عکسبندی روک دی گئی ہے جن میں ارچنا نے پرفارم کرنا تھا۔

الو ارجن کی بلاک بسٹر فلم پشپا 2 – دی رول نے سینما گھروں میں شاندار کامیابی حاصل کی ہے، اور اب شائقین کے لیے خوشخبری یہ ہے کہ یہ فلم جلد ہی نیٹ فلکس پر ریلیز ہونے والی ہے۔

فلم کا نیا ورژن پشپا 2 ری لوڈڈ” اضافی 23 منٹ کی فوٹیج کے ساتھ ڈیجیٹل پلیٹ فارم پر دستیاب ہوگا۔

نیٹ فلکس نے اپنے سوشل میڈیا اکاؤنٹ پر پوسٹر شیئر کرتے ہوئے کہا، “دی مین، دی مِتھ، دی برانڈ پشپا کی حکمرانی شروع ہونے والی ہے! دیکھیں پشپا 2 – ری لوڈڈ ورژن نیٹ فلکس پر جلد، تلگو، تمل، ملیالم اور کناڈا زبان میں!”

نیٹ فلکس کے “نیو اینڈ ہاٹ” سیکشن میں فلم کا پوسٹر شائع کیا گیا ہے، جس کے مطابق یہ فلم 30 جنوری کو پلیٹ فارم پر پریمیئر ہوگی۔ تاہم، ہندی ورژن کے لیے شائقین کو مزید انتظار کرنا پڑے گا، کیونکہ یہ ورژن فی الحال ریلیز نہیں کیا جائے گا۔

فلم کی کہانی پشپراج (الو ارجن) کے گرد گھومتی ہے، جو ایک چھوٹے سے چندن اسمگلر سے خوفناک گینگسٹر بن جاتا ہے۔ فلم میں فہد فاضل مرکزی ولن کے کردار میں ہیں، جبکہ راشمیکا مندنا پشپراج کی بیوی شری ولی کا کردار ادا کر رہی ہیں۔

فلم میں انتقام کی کہانی کو بہترین انداز میں پیش کیا گیا ہے، جہاں پولیس افسر ایس پی بھنور سنگھ شیکاوت پشپراج کے گینگ کو تباہ کرنے کے مشن پر ہیں۔