music
میگھن ٹرینر نے بوٹوکس کی وجہ سے مسکرانے میں مشکلات کا سامنا کیا
امریکی گلوکارہ میگھن ٹرینر نے حالیہ انٹرویو میں انکشاف کیا ہے کہ بوٹوکس کی وجہ سے انہیں مسکرانے میں مشکلات پیش آ رہی ہیں۔ 30 سالہ گلوکارہ نے بتایا کہ انہیں کسی نے اس عمل کے بارے میں خبردار نہیں کیا تھا۔ میگھن نے کہا کہ انہوں نے جو چیز کرائی وہ “لِپ فِلپ” کہلاتی ہے، جو کہ ان کے ہونٹوں کو بہتر بنانے کا طریقہ تھا۔
گلوکارہ میگھن ٹرینرنے مزید کہا کہ انہیں کہا گیا تھا کہ یہ طریقہ ہر کسی کو پسند آتا ہے اور وہ اپنے چھوٹے ہونٹوں کو پسند کریں گی، لیکن جب یہ عمل مکمل ہوا تو انہیں شدید مایوسی ہوئی کیونکہ اس کے بعد وہ مسکرا نہیں پا رہی تھیں۔ ان کے مطابق یہ سب سے تکلیف دہ تجربہ تھا، کیونکہ بوٹوکس کے اثرات کی وجہ سے ان کے چہرے کی حرکات میں رکاوٹ آ گئی تھی۔
یہ پہلا موقع نہیں تھا کہ میگھن ٹرینر نے پلاسٹک سرجری کے حوالے سے بات کی ہو، اس سے پہلے بھی ایک پوڈکاسٹ میں انہوں نے بوٹوکس کرانے کا اعتراف کیا تھا اور کہا تھا کہ وہ مستقبل میں مزید پلاسٹک سرجری کرانے کا ارادہ رکھتی ہیں۔
میگھن ٹرینر کا یہ اعتراف اس بات کا غماز ہے کہ شوبز میں آئے دن جمالیاتی تبدیلیاں اور پلاسٹک سرجری کے فیصلے فنکاروں کی زندگیوں پر کس طرح اثرانداز ہوتے ہیں۔
بھارت کی پنجاب پولیس نے معروف میوزک پروڈیوسر اور ’میڈ فار میوزک‘ کمپنی کے مالک پنکی دھالیوال کو گلوکارہ سنندا شرما کے خلاف بدسلوکی اور مالی استحصال کے سنگین الزامات پر گرفتار کر لیا ہے۔
یہ کارروائی پنجاب اسٹیٹ کمیشن فار وومن کی چیئرپرسن راج لالی گل کے سوموٹو نوٹس جاری کرنے کے بعد عمل میں آئی۔
سنندا شرما، جو پنجابی موسیقی کی معروف گلوکارہ ہیں، نے حال ہی میں انسٹاگرام پر ایک پوسٹ کے ذریعے پنکی دھالیوال پر کئی سال تک اپنی ادائیگیوں کو روکنے اور ذہنی دباؤ ڈالنے کے الزامات عائد کیے۔
انہوں نے اپنے بیان میں کہا، ’’میں ایک آزاد فنکارہ ہوں اور کسی بھی فرد یا ادارے کو میرے پیشہ ورانہ معاملات میں مداخلت کرنے کی اجازت نہیں دی ہے۔ میرے پاس کسی کمپنی کے ساتھ کوئی معاہدہ نہیں ہے، اور جو بھی ایسے دعوے کر رہا ہے، وہ جھوٹے اور غیر قانونی ہیں۔‘‘
سنندا نے واضح کیا کہ وہ کسی بھی غیر مجاز ڈیلنگ کے لیے ذمے دار نہیں ہوں گی، اور جو بھی ان کے کام میں رکاوٹ ڈالنے کی کوشش کرے گا، اس کے خلاف قانونی کارروائی کی جائے گی۔
انہوں نے پنجاب کے وزیراعلیٰ سے اپیل کرتے ہوئے کہا، ’’میں ایک نوجوان فنکارہ ہوں جو پنجاب کا نام روشن کر رہی ہوں، لیکن کچھ لالچی افراد میری ترقی میں رکاوٹ بن رہے ہیں۔ میں انصاف اور تحفظ کی امید کرتی ہوں۔‘‘
بالی ووڈ کے معروف فلم ساز روی چوپڑا کی اہلیہ رینو چوپڑا نے بتایا ہے کہ شاہ رُخ خان نے ان کی ایک فلم کی مدد کی اور اس کی پروڈکشن کے لیے دی گئی رقم پر سود لینے سے صاف انکار کر دیا تھا۔
حال ہی میں ایک انٹرویو کے دوران رینو چوپڑا نے ایس آر کے کی تعریف کرتے ہوئے ایک واقعہ شیئر کیا کہ کس طرح 2017 میں ریلیز ہونے والی فلم میں شاہ رُخ خان نے ان کی مالی مدد کی تھی۔
رینو نے کہا کہ انہوں نے اپنے بیٹے ابھے چوپڑا کی فلم ’اتفاق‘ کی مالی معاونت بغیر سکرپٹ پڑھے کی تھی، جس میں اکشے کھنہ، سدھارتھ ملہوترا اور سوناکشی سنہا نے مرکزی کردار ادا کیے تھے۔
رینو چوپڑا نے یہ بھی بتایا کہ شاہ رُخ خان نے اس فلم کو ان کے کہنے پر نہ صرف سپورٹ کیا بلکہ پروڈکشن کے لیے دی گئی رقم پر سود لینے سے بھی انکار کر دیا اور کہا کہ یہ ان کے لیے حرام ہے۔
انہوں نے مزید کہا کہ شاہ رُخ خان کا کہنا تھا، ’نہیں، یہ میرے لیے حرام ہے، میں سود نہیں لے سکوں گا‘۔ رینو چوپڑا نے بتایا کہ شاہ رُخ خان کے علاوہ دیگر تمام سرمایہ کاروں نے سود لیا، لیکن وہ کسی صورت اس پر راضی نہیں ہوئے۔
رینو نے کہا کہ شاہ رُخ خان بے حد خوش مزاج اور احترام کرنے والے انسان ہیں۔ جب ان کے بیٹے کی فلم بنانے کی بات آئی تو شاہ رُخ نے اس کی بھرپور حمایت کی اور کہا کہ وہ فلم کے لیے مدد کریں گے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
