معروف بھارتی اداکارہ کنگنا رناوت کی فلم ’ایمرجنسی‘ کو بنگلہ دیش میں پابندی کا سامنا کرنا پڑ رہا ہے۔

بھارتی میڈیا کے مطابق، اس فلم پر پابندی کی وجہ دونوں ممالک کے درمیان جاری سیاسی کشیدگی ہے، نہ کہ فلم کے مواد۔ کنگنا کی ہدایت کاری اور تحریر کردہ یہ فلم 17 جنوری کو بھارت میں ریلیز ہوگی۔

فلم کی کہانی 1975 کی سیاسی صورتحال اور اس وقت کی وزیر اعظم اندرا گاندھی کی جانب سے ملک میں لگائی گئی ایمرجنسی کے گرد گھومتی ہے۔ کنگنا نے اس فلم میں اندرا گاندھی کا کردار ادا کیا ہے۔

فلم میں بھارتی فوج، اندرا گاندھی اور بنگلہ دیش کے بانی شیخ مجیب الرحمان کی مدد کو نمایاں کیا گیا ہے۔

بھارتی میڈیا کے مطابق، بنگلہ دیش میں اس سے قبل پشپا 2 اور بھول بھلیاں 3 پر بھی پابندی عائد کی جا چکی ہے، جس کے بعد کنگنا کی فلم بھی دونوں ممالک میں جاری اس کشیدگی کا شکار ہوگئی ہے۔

بالی ووڈ کی اداکارہ شردھا کپور کے موبائل وال پیپر کی ایک تصویر اس وقت بہت وائرل ہورہی ہے، جس نے اداکارہ کی زندگی کا ایک بڑا راز افشا کردیا ہے۔

بھارت کی مشہور اداکارہ شردھا کپور ان دنوں اپنی بلاک بسٹر فلم استری 2 کی شاندار کامیابیوں کے باعث خبروں میں ہیں، اور یہ بھی کہا جا رہا ہے کہ جلد ہی مداحوں کو استری 3 بھی دیکھنے کو ملے گی۔

اداکارہ کی نجی زندگی کے بارے میں بھی مختلف خبریں سامنے آتی رہتی ہیں، اور مداح ان کی ڈیٹنگ لائف کے بارے میں مزید جاننے کے لیے بے چین ہیں۔

شردھا کپور اور اسکرپٹ رائٹر راہول مودی کے درمیان کچھ عرصے سے ڈیٹنگ کی افواہیں گردش کر رہی ہیں، لیکن دونوں میں سے کسی نے بھی اس کی باضابطہ تصدیق نہیں کی ہے۔

اب شردھا کپور کے موبائل وال پیپر کی ایک تصویر وائرل ہورہی ہے، جس نے اداکارہ کے مبینہ بوائے فرینڈ کا نام سب کے سامنے لے آیا ہے۔

میڈیا کے سامنے آتے ہوئے شردھا کپور کی ایک اچانک لی گئی تصویر سوشل میڈیا پر وائرل ہورہی ہے، جس میں اداکارہ کے موبائل وال پیپر نے صارفین کی توجہ حاصل کر لی ہے۔ شردھا کے موبائل وال پیپر پر ان کی ایک تصویر تھی جس میں ایک لڑکا انہیں گلے لگا رہا ہے۔ وائرل تصویر پر تبصرہ کرتے ہوئے کسی نے پوچھا “وہ کون ہے”، جس پر ایک اور مداح نے جواب دیا “راہول مودی”۔