news
پی ٹی آئی نے مذموم مقاصد کے لیے بچیوں کو استعمال کیا، مریم نواز
والدین جھوٹی خبر کے باعث بچیوں کے مستقبل سے پریشان ہیں۔
مریم نواز شریف نے نیوز کانفرنس سے خطاب کرتے ہوئے کہا کہ پی ٹی آئی نے احتجاج اور جلاو گھراو کی ناکامی کے بعد یہ خطرناک منصوبہ بنایا اور سوشل میڈیا کے ذریعے جھوٹ پر مبنی مہم چلائی گئی اور ایسے الزامات لگائے گئے جن کا سرے سے کوئی وجود ہی نہیں تھا بچوں کی ذہن سازی کر کے ان کو مقاصد کے لیے استعمال کیا گیا
پولیس کو رپورٹ کیا گیا کہ نجی کالج میں بچی کے ساتھ زیادتی کا واقعہ پیش آیا ہے جن لوگوں پر الزامات لگائے گئے تھے ان سے تفصیلا تفتیش کی گئی ہم نے واقع کی گہرائی تک جانے کی کوشش کی واقع کی تفتیش کے لیے اسپیشل کمیٹی تشکیل دی گئی جس سے یہ بات واضح ہوئی کہ ایک جھوٹی داستان کو ایشو بنایا گیا جس بچی پر یہ الزام لگایا گیا وہ اس کالج کی نہیں ہے اور دو اکتوبر سے ہسپتال میں زیر علاج تھی ہماری کمیٹی نے مکمل تحقیقات کی ہیں ان کا اس سے شاید کوئی لنک تھا ان کو وہ آئی سی یو میں پڑی ہوئی مل گئی اور انہوں نے ریپ وکٹم بنا دیا وہ بچی ریپ وکٹم نہیں بلکہ گھٹیا سیاست اور سازش کی وکٹم ہے اس کی ماں نے مجھے یہ بھی کہا کہ اس بچی سمیت میری پانچ بیٹیاں ہیں۔
ان کی شادی کیسے ہوگی تو میں یہ کہنا چاہتی ہوں کہ بیٹیاں سب کی سانجھی ہوتی ہیں اس کی ماں میڈیا پر نہیں آنا چاہتی تھی میں اس کے بی ہاف پر یہ کہنا چاہتی ہوں کہ بچی پر یہ گھناؤنا الزام لگایا گیا بچی پاک صاف ہے
پولیس کو گمراہ کر کے ایک مہم چلانے کی کوشش کی گئی آگ بھڑکنے میں دیر نہیں لگتی اس لیے میں سمجھتی ہوں کہ بچی کی بجائے پنجاب حکومت ہی کو اس کا مدعی بننا چاہیے ایف آئی اے کو درخواست دے دی گئی ہے اس کیس میں جو جو بھی انوالو ہے خواہ اس کا تعلق پی ٹی آئی سے ہو کاف لیگ سے ہو یا کسی سے بھی ان کو سامنے لایا جائے گا جو بھی ملوث ہے کریک ڈاؤن کر کے انہیں پکڑا جائے گا
ہیراسمنٹ کمیٹی کی کنوینیر زرتاج گل نے کہا کہ میں نے سٹوڈنٹس کواکسانےکی بجائے ان کے غصے کو کم کرنے کی کوشش کی۔
مریم نواز شریف نے کہا کہ آپ نے اپنی ڈوبتی ہوئی سیاست کو بچانے کے لیے جو جلاؤ گھراؤ اور سازشوں کی کوشش کی ہے خیبر پختون خواہ کے منسٹر اس کو لیڈ کرتے رہے۔
میں پہلے بھی کئی مرتبہ یہ کہہ چکی ہوں کہ خیبر پختون خواہ کے وزیراعلی سرکاری گاڑیوں ون ون ٹو ٹو ایمبولنسز فائر برگیڈ اور ان تمام گاڑیوں کوجو عوام کے لیے ہیں، ان سے لیس ہو کر پختون خواہ سے پنجاب اور وفاق پر حملہ اور ہوئے اللہ کا شکر ہے انہیں ناکامی کا سامنا کرنا پڑا اور وہ ایسے موقع پر جب ایس سی او ہو رہی ملک کے حالات خراب کرنا چاہتے ہیں میں ان لوگوں کو ایسے ہی دہشت گرد نہیں کہتی ان کی حرکتوں سے اس بچی کا جو نقصان ہوا ہے اسے کون پورا کرے گا ؟
میں نے وزیر تعلیم سے کہا کہ آپ کو تحقیقات مکمل کرنے تک کالج کی رجسٹریشن معطل نہیں کرنی چاہیے تھی گجرات میں ٹریفک حادثہ میں زخمی ہونے والے بچے کو بھی احتجاج سے جوڑ دیا گیا میں اپنی حکومت میں نا انصافی نہیں ہونے دے سکتی کچھ لوگ اقتدار میں ہوں یا اقتدار سے باہر ان کا کام ملک کا بیڑا غرق کرنا ہے چیف جسٹس لاہور ہائی کورٹ سے گزارش ہے کہ ملوث افراد کو بچ کر نہ جانے دیا جائے بچی کو بدنام کرنے میں جو بھی ملوث ہے میں اس کو نہیں چھوڑوں گی اس واقعے میں ملوث افراد کو ٹریک کر لیا گیا ہے ٹریک ہونے والوں میں کچھ کا تعلق پشاور اور کچھ ملک سے باہر کے ہیں وہ اس حد تک گر چکے ہیں کہ لاشوں اور بچوں کی آڑ میں سیاست کر رہے ہیں سیاست عوام کی خدمت کا نام ہے نہ کہ حیوانیت اور شیطانیت کا میں جلاؤ گھراؤ اور ورغلانے میں ملوث افراد کو نہیں چھوڑوں گی۔
چیف جسٹس پاکستان جسٹس یحییٰ آفریدی نے ریمارکس دیتے ہوئے کہا ہے کہ عمر سرفراز چیمہ کا کیس بانی پی ٹی آئی عمران خان کے کیس کے ساتھ آئندہ ہفتے سنا جائے گا۔ سپریم کورٹ میں چیف جسٹس کی سربراہی میں عمر سرفراز چیمہ کے خلاف 9 مئی سے متعلق کیس کی سماعت ہوئی۔ چیف جسٹس پاکستان جسٹس یحییٰ آفریدی نے کہا کہ عدالت چاہتی ہے کہ جسمانی ریمانڈ کے مقدمات میں فیصلوں کا ایک جیسا معیار ہو، کیونکہ بانی پی ٹی آئی اور عمر سرفراز چیمہ دونوں کا کیس جسمانی ریمانڈ سے متعلق ہے۔
عمر سرفراز چیمہ کے وکیل نے دلائل دیتے ہوئے کہا کہ میرے موکل کو پہلے گرفتار کیا گیا اور بعد میں ایف آئی آر درج کی گئی۔ پنجاب حکومت کے وکیل نے موقف اختیار کیا کہ عدالت نے عمر سرفراز چیمہ کا ایک دن بھی جسمانی ریمانڈ منظور نہیں کیا، جبکہ ان سے ایک پستول برآمد کرنا ہے۔
عدالت نے کیس کی مزید سماعت 24 اپریل تک ملتوی کر دی۔
واضح رہے کہ گزشتہ روز بھی 9 مئی سے متعلق مقدمات کی سماعت کے دوران چیف جسٹس یحییٰ آفریدی نے ریمارکس دیے تھے کہ 4 ماہ میں ٹرائل مکمل کرنے کے فیصلے میں ملزمان کے حقوق کا تحفظ یقینی بنایا جائے گا۔ سپریم کورٹ کے تین رکنی بینچ نے 9 مئی کے مقدمات میں ضمانت منسوخی سے متعلق پنجاب حکومت کی اپیلوں پر سماعت کی تھی۔
چیف جسٹس نے واضح کیا تھا کہ سپریم کورٹ ان مقدمات کے ٹرائل کی مانیٹرنگ نہیں کرے گی۔ وکیل لطیف کھوسہ نے 4 ماہ میں ٹرائل مکمل کرنے کے فیصلے پر اعتراض کرتے ہوئے سوال اٹھایا کہ کیا کبھی ایسا ہوا ہے کہ کسی مقدمے کا ٹرائل 4 ماہ میں مکمل ہو؟
چیف جسٹس نے جواب میں کہا کہ فاضل وکیل ایسا نہ کہیں، کیونکہ انسداد دہشت گردی کے قانون کے مطابق عدالت کو مقدمات کی روزانہ سماعت کرنا ہوتی ہے۔ چیف جسٹس نے مزید کہا کہ ٹرائل کا معاملہ متعلقہ ہائیکورٹ اور انتظامی جج کے دائرہ اختیار میں آتا ہے، اور سپریم کورٹ اس ٹرائل کی نگرانی نہیں کرے گی۔
لطیف کھوسہ نے عدالت کو بتایا کہ 9 مئی کے واقعات پر پانچ سو سے زائد مقدمات درج کیے گئے تھے، جبکہ پنجاب حکومت کے مطابق 24 ہزار افراد ان مقدمات میں مفرور قرار دیے گئے تھے۔ سپریم کورٹ میں پی ٹی آئی رہنما اعجاز چوہدری کی درخواستِ ضمانت پر بھی سماعت ہوئی، جسے عدالت نے آئندہ ہفتے تک ملتوی کر دیا۔
وزیراعظم شہباز شریف نے کہا ہے کہ پاکستان کے دشمن ہماری معاشی کامیابیوں سے خوفزدہ ہیں، دہشت گردوں کو ایسی عبرتناک شکست دی جائے گی کہ وہ دوبارہ پاکستان کی طرف میلی آنکھ سے دیکھنے کی جرات نہ کر سکیں گے۔ انہوں نے اس عزم کا اعادہ کیا کہ دہشت گردی کو جڑ سے اکھاڑنے کے لیے جہاد جاری رہے گا۔
یہ بات شہباز شریف نے امن و امان کی صورتحال کے حوالے سے منعقدہ اعلیٰ سطحی اجلاس کی صدارت کرتے ہوئے کہی۔ اجلاس میں وفاقی وزیر داخلہ محسن نقوی، وزیراعظم کے مشیر برائے بین الصوبائی روابط رانا ثناء اللہ، وزیر مملکت برائے داخلہ طلال چوہدری، وفاقی وزیر قانون اعظم نذیر تارڑ، وفاقی وزیر احد خان چیمہ، عطاء اللہ تارڑ، وزیراعلیٰ خیبرپختونخوا کے مشیر اطلاعات بیرسٹر سیف، گلگت بلتستان کے وزیر داخلہ شمس الحق لون، آزاد جموں و کشمیر کے وزیر داخلہ کرنل (ر) وقار نون، چاروں صوبوں، گلگت بلتستان اور آزاد کشمیر کے چیف سیکریٹریز، انسپکٹر جنرلز آف پولیس، چیف کمشنر اسلام آباد، آئی جی اسلام آباد اور دیگر اعلیٰ افسران شریک ہوئے۔
اجلاس میں امن و امان کے قیام اور دہشت گردی کے خاتمے کے لیے اٹھائے گئے اقدامات پر تفصیلی بریفنگ دی گئی۔ بتایا گیا کہ نیکٹا میں قومی و صوبائی سطح پر انٹیلی جنس فیوژن اینڈ تھریٹ اسیسمنٹ مرکز قائم کیا جا چکا ہے۔ پنجاب کے 10 شہروں میں سیف سٹی منصوبہ فعال ہے جبکہ کراچی، حیدرآباد، سکھر، لاڑکانہ، میرپور خاص اور نوابشاہ میں منصوبے زیر تعمیر ہیں۔ پشاور، ڈیرہ اسماعیل خان، بنوں، لکی مروت، گوادر اور قومی شاہراہ 25 این اور 40 این پر واقع شہروں میں بھی سیف سٹی منصوبے شروع کیے جا رہے ہیں۔
اجلاس کو آگاہ کیا گیا کہ اسمگلنگ کی روک تھام کے لیے اہم شاہراہوں اور پلوں پر ڈیجیٹل انفورسمنٹ اسٹیشنز قائم کیے جا رہے ہیں، جبکہ بڑے شہروں کے گرد و نواح میں غیر قانونی تعمیرات کے خلاف آپریشن جاری ہے۔ اسلام آباد میں فارنزک سائنس ایجنسی قائم ہو چکی ہے اور پنجاب میں پہلے سے موجود ایجنسی کو مزید جدید بنایا جا رہا ہے۔
وزیراعظم نے اجلاس سے خطاب کرتے ہوئے کہا کہ سیف سٹی منصوبوں کو جلد از جلد مکمل کیا جائے تاکہ شہریوں کو زیادہ محفوظ ماحول فراہم کیا جا سکے۔ انہوں نے کہا کہ دہشت گردی کے خلاف وفاق اور صوبوں کا یکجا ہو کر کام کرنا خوش آئند ہے اور تمام اداروں کی کوششیں قابل تحسین ہیں۔
وزیراعظم نے ہدایت کی کہ اسمگلنگ اور انسانی اسمگلنگ کے خلاف کارروائیوں میں مزید شدت لائی جائے۔ انسانی اسمگلروں کے نیٹ ورکس کو ختم کیا جائے اور انہیں قانون کے شکنجے میں لایا جائے۔
انہوں نے کہا کہ سکیورٹی فورسز کے جوان دہشت گردوں سے نبرد آزما ہیں اور اپنی جانوں کا نذرانہ دے کر ملک کا دفاع کر رہے ہیں۔ وزیراعظم نے کہا کہ تمام اختلافات کو بالائے طاق رکھ کر دہشت گردی کے مکمل خاتمے کے لیے متحد ہو کر کام کرنا ہو گا۔ وفاقی حکومت صوبوں کی استعداد کار بڑھانے کے لیے ہر ممکن تعاون فراہم کرے گی۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
