کھیل
ورلڈکپ کی تیاری کر رہے ہیں، فوری کوئی رزلٹ نہیں ملتا، چیزیں برداشت کرنا پڑتی ہیں: شاہین آفریدی
پاکستان ٹی ٹوئنٹی ٹیم کے کپتان شاہین شاہ آفریدی کا کہنا ہے کہ فوری کوئی رزلٹ نہیں ملتا، چیزیں برداشت کرنا پڑتی ہیں
پاکستان ٹی ٹوئنٹی ٹیم کے کپتان شاہین شاہ آفریدی کا کہنا ہے کہ فوری کوئی رزلٹ نہیں ملتا، چیزیں برداشت کرنا پڑتی ہیں۔شاہین آفریدی نے نیوزی لینڈ کے خلاف آخری ٹی ٹوئنٹی میں فتح کے بعد پریس کانفرنس کرتے ہوئے کہا کہ پانچ میچز میں دیکھنا تھا کہ ورلڈ کپ کےلیے ٹیم کیسے بنائیں۔انہوں نے کہا کہ نوجوانوں کے لیے بھی آسان نہیں ہوتا کہ ایسی کنڈیشنز میں مشکل بولرزکوکھیلیں، ہم ورلڈکپ کی تیاری میں تھے، حسیب اللہ کوبھی اس لیے موقع دیا کہ اس کو مستقبل کے لیے اعتماد ملے، ہم سب کچھ دیکھنا چاہتے ہیں کہ کون کس پوزیشن پر مستحکم ہے، عباس آفریدی اچھا ٹیلنٹ ہے، اس کے ہونے سے بولنگ میں اوراستحکام آیا، صائم ایوب سے سیریزمیں اچھا نہیں ہوسکا لیکن وہ بھی اچھا ٹیلنٹ ہے۔شاہین شاہ آفریدی نے کہا کہ سب سے انفرادی طورپربات کرکے پلیئنگ الیون کھلائی ہے، سارے فیصلےمشورے سے ہوئے، ٹیم ڈائریکٹر محمد حفیظ ہمیشہ ٹیم کو سپورٹ کرتے ہیں۔کپتان قومی ٹیم کا کہنا تھا کہ جیت کی طرح ہار میں سپورٹ کرنے والا ہو تو آپ مضبوط بنتے ہیں، نوجوانوں کوکھلانے کا مقصد انہیں تجربہ دینا ہوتا ہے تاکہ وہ تیار ہو سکیں، بطوربولنگ یونٹ اچھی پرفارمنس نہیں دے سکے۔شاہین کا کہنا تھا کہ پاکستان ٹیم ایک فیملی کی طرح ہے، سب کو ساتھ رکھتا ہوں۔واضح رہے کہ پاکستان کا دورہ نیوزی لینڈ اختتام پزیر ہو گیا، پانچ ٹی ٹوئنٹی میچز کی سیریز نیوزی لینڈ نے چار ایک سے جیتی ہے۔
پاکستان کرکٹ بورڈ (پی سی بی) نے سہ ملکی ون ڈے سیریز کی تفصیلات جاری کر دی ہیں۔
پی سی بی نے پاکستان، نیوزی لینڈ اور جنوبی افریقہ کے درمیان ہونے والی سہ ملکی ون ڈے سیریز کے شیڈول کا اعلان کیا ہے۔ یہ سیریز 8 سے 14 فروری تک سنگل لیگ کی بنیاد پر کھیلی جائے گی، جس کے ابتدائی دو میچز لاہور کے قذافی اسٹیڈیم میں ہوں گے، جبکہ آخری لیگ میچ اور فائنل کراچی کے نیشنل بینک اسٹیڈیم میں منعقد ہوگا۔
پاکستان اور نیوزی لینڈ کے درمیان سیریز کا آغاز 8 فروری کو قذافی اسٹیڈیم میں ہوگا، جہاں پہلی گیند دوپہر 2 بجے پھینکی جائے گی۔ اس کے بعد 10 فروری کو نیوزی لینڈ کا مقابلہ جنوبی افریقہ سے ہوگا، جس کا آغاز صبح ساڑھے 9 بجے ہوگا۔
ان دو میچوں کے بعد ایکشن کراچی منتقل ہوگا، جہاں پاکستان 12 فروری کو نیشنل بینک اسٹیڈیم میں ڈے نائٹ میچ میں جنوبی افریقہ کا سامنا کرے گا، جو مقامی وقت کے مطابق دوپہر 2 بجے شروع ہوگا۔ فائنل 14 فروری کو کھیلا جائے گا، جو بھی دوپہر 2 بجے شروع ہوگا۔
پاکستان اور نیوزی لینڈ کی ٹیمیں 6 فروری کو قذافی اسٹیڈیم میں لائٹس میں ٹریننگ کریں گی، جبکہ جنوبی افریقہ کی پہلی ٹریننگ 9 فروری کی صبح تاریخی گراؤنڈ پر ہوگی۔
قذافی اسٹیڈیم اور نیشنل بینک اسٹیڈیم میں ہونے والے چار میچز تینوں فریقوں کو آئی سی سی چیمپئنز ٹرافی 2025ء کی تیاریوں کو حتمی شکل دینے میں مدد فراہم کریں گے۔
دوسرے اور آخری ٹیسٹ پاکستان بمقابلہ ویسٹ انڈیز میں ویسٹ انڈیز کی ٹیم پاکستان کے خلاف پہلی اننگز میں 163 رنز بنا کر آل آؤٹ ہوگئی۔ ملتان کے انٹرنیشنل کرکٹ اسٹیڈیم میں کھیلے جا رہے میچ میں ویسٹ انڈین کپتان کریگ بریتھ ویٹ نے ٹاس جیت کر پہلے بیٹنگ کا فیصلہ کیا۔ مہمان ٹیم کی جانب سے کریگ بریتھ ویٹ اور مائیکل لوئس نے اننگز کا آغاز کیا، لیکن 8 کے مجموعے پر پاکستان کے ڈیبیو کرنے والے فاسٹ بولر کاشف علی نے اپنے ہی اوور میں مائیکل لوئس کو وکٹوں کے پیچھے کیچ آؤٹ کروا دیا۔ پاکستان کی جانب سے دوسری وکٹ ساجد خان نے حاصل کی، جنہوں نے عامر جنگو کو آؤٹ کیا۔ اس کے بعد نعمان علی نے ویسٹ انڈین بیٹرز کو سنبھلنے کا موقع نہ دیا اور لگاتار 4 کھلاڑیوں کو پویلین کی راہ دکھائی، جن میں ایک ہیٹرک بھی شامل تھی۔
قومی ٹیم کے اسپنر نعمان علی نے کیون سنکلیئر، ٹیون املاچ اور جسٹن گریوز کی وکٹیں حاصل کیں، اور وہ یہ اعزاز اپنے نام کرنے والے پہلے پاکستانی سپنر بن گئے۔
کیویم ہوج 21 اور کیمار روچ 25 رنز کے ساتھ مہمان ثابت ہوئے۔ پاکستان کی جانب سے نعمان علی نے ہیٹرک مکمل کرتے ہوئے 6 وکٹیں حاصل کیں، جبکہ ساجد خان نے 2 اور ابرار احمد اور ڈیبیو کرنے والے کاشف علی نے ایک ایک وکٹ لی۔ یہ بات قابل ذکر ہے کہ دو ٹیسٹ میچوں کی سیریز میں پاکستان کو ایک صفر کی برتری حاصل ہے، کیونکہ پاکستان نے ویسٹ انڈیز کو ملتان میں ہی شکست دی۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
