کھیل
ورلڈکپ کی تیاری کر رہے ہیں، فوری کوئی رزلٹ نہیں ملتا، چیزیں برداشت کرنا پڑتی ہیں: شاہین آفریدی
پاکستان ٹی ٹوئنٹی ٹیم کے کپتان شاہین شاہ آفریدی کا کہنا ہے کہ فوری کوئی رزلٹ نہیں ملتا، چیزیں برداشت کرنا پڑتی ہیں
پاکستان ٹی ٹوئنٹی ٹیم کے کپتان شاہین شاہ آفریدی کا کہنا ہے کہ فوری کوئی رزلٹ نہیں ملتا، چیزیں برداشت کرنا پڑتی ہیں۔شاہین آفریدی نے نیوزی لینڈ کے خلاف آخری ٹی ٹوئنٹی میں فتح کے بعد پریس کانفرنس کرتے ہوئے کہا کہ پانچ میچز میں دیکھنا تھا کہ ورلڈ کپ کےلیے ٹیم کیسے بنائیں۔انہوں نے کہا کہ نوجوانوں کے لیے بھی آسان نہیں ہوتا کہ ایسی کنڈیشنز میں مشکل بولرزکوکھیلیں، ہم ورلڈکپ کی تیاری میں تھے، حسیب اللہ کوبھی اس لیے موقع دیا کہ اس کو مستقبل کے لیے اعتماد ملے، ہم سب کچھ دیکھنا چاہتے ہیں کہ کون کس پوزیشن پر مستحکم ہے، عباس آفریدی اچھا ٹیلنٹ ہے، اس کے ہونے سے بولنگ میں اوراستحکام آیا، صائم ایوب سے سیریزمیں اچھا نہیں ہوسکا لیکن وہ بھی اچھا ٹیلنٹ ہے۔شاہین شاہ آفریدی نے کہا کہ سب سے انفرادی طورپربات کرکے پلیئنگ الیون کھلائی ہے، سارے فیصلےمشورے سے ہوئے، ٹیم ڈائریکٹر محمد حفیظ ہمیشہ ٹیم کو سپورٹ کرتے ہیں۔کپتان قومی ٹیم کا کہنا تھا کہ جیت کی طرح ہار میں سپورٹ کرنے والا ہو تو آپ مضبوط بنتے ہیں، نوجوانوں کوکھلانے کا مقصد انہیں تجربہ دینا ہوتا ہے تاکہ وہ تیار ہو سکیں، بطوربولنگ یونٹ اچھی پرفارمنس نہیں دے سکے۔شاہین کا کہنا تھا کہ پاکستان ٹیم ایک فیملی کی طرح ہے، سب کو ساتھ رکھتا ہوں۔واضح رہے کہ پاکستان کا دورہ نیوزی لینڈ اختتام پزیر ہو گیا، پانچ ٹی ٹوئنٹی میچز کی سیریز نیوزی لینڈ نے چار ایک سے جیتی ہے۔
راولپنڈی: پاک بھارت کشیدہ حالات کے پیش نظر پاکستان سپر لیگ (پی ایس ایل) 2025 کے 10ویں ایڈیشن کا آج راولپنڈی میں کھیلا جانے والا میچ منسوخ کر دیا گیا ہے۔ منسوخ ہونے والا میچ کراچی کنگز اور پشاور زلمی کے درمیان ہونا تھا۔
ذرائع کے مطابق موجودہ سیکیورٹی صورتحال، فضائی حدود کی بندش اور داخلی سلامتی کے خدشات کے باعث پاکستان کرکٹ بورڈ (پی سی بی)، وزیر داخلہ محسن نقوی اور پی ایس ایل کے دیگر اسٹیک ہولڈرز کے درمیان اہم اجلاس جاری ہے، جس میں ٹورنامنٹ کے باقی میچز سے متعلق فیصلہ کیا جا رہا ہے۔
پی ایس ایل کے پلے آف مرحلے سے قبل چار لیگ میچز باقی ہیں، جن کے انعقاد پر بھی غیر یقینی صورتحال چھا گئی ہے۔ حکام کے مطابق اگر بین الاقوامی سطح پر میچز کی منتقلی ممکن نہ ہو سکی تو باقی تمام مقابلے کراچی میں کرائے جا سکتے ہیں۔ دبئی یا دوحا منتقلی پر بھی غور جاری ہے۔
فیصلہ آج شام تک متوقع ہے، جب کہ شائقین کرکٹ کو ہدایت کی گئی ہے کہ وہ پی سی بی کی جانب سے جاری ہونے والی تازہ اطلاعات پر نظر رکھیں۔
سابق قومی ٹیم کے کپتان محمد حفیظ کے 90 کی دہائی کے کرکٹرز کے بارے میں دیے گئے بیان پر راولپنڈی ایکسپریس شعیب اختر نے بھی اپنی رائے کا اظہار کیا۔ ایک پروگرام “ڈگ آؤٹ” میں گفتگو کرتے ہوئے، شعیب اختر، جو دنیا کے تیز ترین باؤلر کے طور پر مشہور ہیں، نے حفیظ کے نائنٹیز کی ٹیم اور وقار یونس و وسیم اکرم کے بارے میں بیان پر سخت ردعمل دیا۔
انہوں نے کہا کہ حفیظ کا یہ بیان کہ 90 کی دہائی کے لیجنڈری کرکٹرز کی کوئی میراث نہیں ہے، ان کی بے عزتی کے مترادف ہے۔ شعیب نے کہا کہ حفیظ نے وسیم اکرم اور وقار یونس سے یہ کہہ کر ان کی توہین کی کہ “سر، آپ نے کچھ بھی نہیں چھوڑا؟”۔
شعیب اختر نے اپنے دور کے دوران بھارت کے خلاف 70 سے زائد ون ڈے انٹرنیشنل میچز میں 70 سے زیادہ فتوحات کا ذکر کیا اور کہا کہ ان میں سے 60 ون ڈے ایسے تھے جنہیں وسیم اور وقار نے اپنی محنت سے جیتا، تو آپ یہ کیسے کہہ سکتے ہیں کہ انہوں نے کچھ نہیں چھوڑا؟
راولپنڈی ایکسپریس نے حفیظ کو طنز کرتے ہوئے کہا کہ اگر وسیم اور وقار نے کوئی وراثت نہیں چھوڑی تو پھر آپ نے کیا چھوڑا؟ انہوں نے یہ بھی تسلیم کیا کہ جب ٹیم آئی سی سی کے بڑے ٹورنامنٹس میں کامیابی حاصل نہیں کرتی تو اس کی مقبولیت میں کمی آتی ہے، لیکن اس کا یہ مطلب نہیں کہ وہ جیت نہیں سکتے۔ یاد رہے کہ گزشتہ ماہ محمد حفیظ نے کہا تھا کہ نائنٹیز کی ٹیم نے پاکستان کو کئی میگا سٹارز دیے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
