امریکی توانائی کے محکمے نے ایک دلچسپ اعلان کیا ہے کہ پہلی بار، کمرشل امریکی ری ایکٹر میں 5 فیصد سے زیادہ افزودہ جوہری ایندھن کو تابکاری شعاعوں سے ایکسپوز (irradiated) کیا جائے گا۔

ڈیپارٹمنٹ آف انرجی کے دفتر نے وضاحت کی کہ اس اعلیٰ افزودگی کی سطح کی بدولت ایندھن زیادہ دیر تک چلتا ہے اور بجلی کی بڑھتی ہوئی طلب کو پورا کرنے میں مددگار ثابت ہوتا ہے، جس سے ممکنہ طور پر ملک بھر میں جوہری پاور پلانٹس میں اضافی بجلی کی پیداوار ہو سکتی ہے۔

دفتر نے یہ بھی بتایا کہ عام طور پر کمرشل نیوکلیئر ری ایکٹر ایسے ایندھن پر کام کرتے ہیں جو 3% سے 5% افزودہ یورینیم 235 کے درمیان ہوتا ہے۔ یہ یورینیم توانائی پیدا کرنے کے لیے ایک اہم آئسوٹوپ ہے جو کیمیائی رد عمل کے دوران کام آتا ہے۔

بیان میں مزید کہا گیا کہ زیادہ افزودہ ایندھن جوہری آپریشن کے چکر کو 24 ماہ تک بڑھا سکتا ہے، جس سے توانائی کی پیداوار میں اضافہ ہوتا ہے اور ری ایکٹر کی زندگی کے دوران کم خرچ ہوتا ہے۔

دفتر نے یہ بھی بتایا کہ زیادہ تر تحقیق جارجیا میں ایک مخصوص سائٹ پر کی جا رہی ہے، جہاں نئے ایندھن کو کم از کم اگلے 4 سالوں تک آزمایا جائے گا۔

پاکستان اور بیلاروس کے درمیان فوجی تعاون، تجارت، اور دیگر شعبوں میں کئی معاہدے اور ایم او یوز پر دستخط کیے گئے ہیں، جس سے دونوں ممالک کے تعلقات ایک نئے دور میں داخل ہو گئے ہیں۔ اس حوالے سے معاہدوں اور مفاہمتی یادداشتوں کے تبادلے کی تقریب کا انعقاد کیا گیا، جس میں وزیراعظم شہباز شریف اور بیلاروس کے صدر الیگزینڈر لوکاشینکو نے شرکت کی۔

وزیراعظم شہباز شریف سرکاری دورے پر بیلاروس پہنچے، جہاں صدر الیگزینڈر لوکاشینکو نے ان کا گرمجوشی سے استقبال کیا۔ مسلح افواج نے انہیں سلامی دی اور گارڈ آف آنر پیش کیا، جبکہ دونوں ممالک کے قومی ترانے بھی بجائے گئے۔ تقریب کے دوران پاکستان اور بیلاروس کی وزارت دفاع کے درمیان فوجی تعاون کا معاہدہ طے پایا۔

اس کے علاوہ، بیلاروس کی داخلی امور کی وزارت اور پاکستان کی وزارت داخلہ کے درمیان بھی تعاون کا معاہدہ ہوا۔ بیلاروس کی فوجی صنعت کی سٹیٹ اتھارٹی اور پاکستان کی وزارت دفاعی پیداوار کے درمیان 2025 سے 2027 تک فوجی تکنیکی تعاون کا روڈ میپ بھی طے کیا گیا۔ دونوں ممالک کے درمیان ری ایڈمیشن معاہدہ بھی طے پایا ہے۔ پاکستان کے ٹی ڈی اے پی (ٹریڈ ڈیولپمنٹ اتھارٹی) اور بیلاروس کے ایوان صنعت و تجارت کے درمیان بھی ایک معاہدہ ہوا، جبکہ بیلاروس کے محکمہ پوسٹ اور پاکستان پوسٹ کے درمیان بھی معاہدہ کیا گیا، جس کا مقصد پوسٹل خدمات کے درمیان سہولیات فراہم کرنا ہے۔