بالی ووڈ کی اداکارہ انوشا ڈنڈیکر کی امیتابھ بچن سے ملاقات نے فلم ’ویرودھ‘ کی یادیں تازہ کر دیں۔

انوشا ڈنڈیکر نے حال ہی میں امیتابھ بچن سے ملاقات کی، جس نے انہیں فلم ’ویرودھ، فیملی کمز فرسٹ‘ کے سیٹ پر گزارے گئے لمحات کی یاد دلا دی۔

اس خوبصورت ملاقات کی تصویر انسٹاگرام پر شیئر کرتے ہوئے انوشا نے لکھا، ’میرے پہلے سُسر… خوش نصیب ہوں کہ آپ کے ساتھ کام کیا‘۔ انہوں نے ہیش ٹیگ ویرودھ ری یونین بھی استعمال کیا۔

مداحوں نے اس ملاقات کے بعد فلم ’ویرودھ‘ کو یاد کیا اور اس کی خوب تعریف کی۔ ایک صارف نے تبصرہ کیا، ’یہ ایک شاندار اور جذباتی فلم تھی۔ آپ اور امیتابھ جی نے بہترین کام کیا۔ بدقسمتی سے یہ فلم جولائی 26 کی بارشوں کے باعث متاثر ہوئی‘۔ ایک اور مداح نے لکھا کہ ’یہ فلم اپنے وقت سے آگے تھی۔ اگر آج ریلیز ہوتی تو شاید فلم فیئر ایوارڈ جیت لیتی‘۔

یہ بات بھی قابل ذکر ہے کہ گزشتہ سال جولائی میں ’ویرودھ‘ کو ریلیز ہوئے 19 سال مکمل ہوئے تھے۔ اس موقع پر انوشا نے ایک پوسٹ میں فلم کی ٹیم کا شکریہ ادا کرتے ہوئے لکھا، ’میری پہلی شادی… کتنی شاندار تھی! 19 سال مکمل ہو گئے۔ یہ فلم میرے لیے خاص ہے۔‘

2005 میں ریلیز ہونے والی فلم ’ویرودھ‘ مہیش منجریکر کی ہدایت کاری میں بنائی گئی تھی۔

سپریم کورٹ کے سینئر جج جسٹس منصور علی شاہ نے کہا ہے کہ بینچز کے اختیار سے متعلق کیس کا آئینی ترمیم سے کوئی تعلق نہیں، البتہ اگر کوئی ڈر جائے تو یہ ایک الگ معاملہ ہے۔ جسٹس منصور علی شاہ اور جسٹس عقیل عباسی پر مشتمل دو رکنی بینچ نے سپریم کورٹ میں بینچز کے اختیار سے متعلق کیس کی سماعت کے خلاف توہین عدالت کی درخواست کی سماعت کی، جہاں اٹارنی جنرل منصور عثمان اعوان اور ایڈیشنل رجسٹرار جوڈیشل نذر عباس عدالت میں پیش ہوئے۔ عدالت نے ایڈیشنل رجسٹرار جوڈیشل نذر عباس کو تحریری جواب جمع کرانے کی ہدایت کی۔

سماعت کے دوران عدالت نے کہا کہ ’یہ سوال پریکٹس اینڈ پروسیجر قانون کے سیکشن 2 سے متعلق ہے، اگر بینچ اپنا دائرہ اختیار دیکھنا چاہتا ہے تو کیا کیس واپس لیا جا سکتا ہے؟ نذر عباس کے دفاع میں کمیٹی کے فیصلے پیش کیے گئے تھے‘۔ اس پر اٹارنی جنرل نے جواب دیا کہ ’نذر عباس کا تحریری جواب آنے تک رجسٹرار کا مؤقف ان کا دفاع نہیں ہو سکتا، اور جو عدالتی معاونین مقرر کیے گئے ہیں وہ 26 ویں آئینی ترمیم کے خلاف درخواست گزاروں کے وکلا ہیں‘۔

جسٹس منصور علی شاہ نے ریمارکس دیئے کہ ’یہ کیس ریگولر بینچ سن رہا تھا، کیا کمیٹی اسے منتقل کر سکتی ہے؟ یہ کیس آرٹیکل 191 اے کے تحت ہے اور کچھ کیسز ٹیکس سے متعلق بھی تھے، رجسٹرار نے ایڈیشنل رجسٹرار کے دفاع میں کہا کہ یہ سب دو ججز کی کمیٹی کے تحت ہے۔