پشاور نیشنل سیکیورٹی ورکشاپ کامیابی سے اختتام پذیر

پشاور: پشاور نیشنل سیکیورٹی ورکشاپ پاک فوج کی زیرِ اہتمام کامیابی سے اختتام پذیر ہو گئی۔
قومی سطح کی یہ ورکشاپ 11 سے 22 جنوری 2026 تک جاری رہی۔
اس میں عمائدین، اکیڈیمیا، میڈیا، سیاسی قائدین، نوجوان اور سول سوسائٹی کے مختلف طبقات نے شرکت کی۔

ورکشاپ میں شریک تقریباً 91 شرکاء کا 80 فیصد تعلق خیبرپختونخوا، خصوصاً ضم شدہ اضلاع سے تھا۔
باقی 20 فیصد شرکاء ملک کے دیگر حصوں سے شامل ہوئے۔
اس کے علاوہ پشاور کی جامعات کے 150 اسکالرز نے بھی حصہ لیا۔

شرکاء کے لیے وزیرِ اعظم پاکستان اور دیگر ریاستی عہدیداران کے ساتھ خصوصی سیشنز منعقد کیے گئے۔
اختتامی سیشن میں کور کمانڈر پشاور نے شرکاء سے ملاقات کی۔
انہوں نے قومی سلامتی، گمراہ کن پروپیگنڈا اور دہشت گردی کے خلاف اقدامات پر تفصیلی گفتگو کی۔

اس موقع پر شرکاء میں اسناد تقسیم کی گئیں۔
یادگارِ شہداء پر پھولوں کی چادر بھی چڑھائی گئی۔
شرکاء نے دہشت گردی کے خلاف پاک فوج کی قربانیوں کو خراجِ تحسین پیش کیا۔
اسی کے ساتھ افواجِ پاکستان کے ساتھ غیرمتزلزل یکجہتی کے عزم کا بھی اعادہ کیا گیا۔

ماہرین کا کہنا ہے کہ ایسی ورکشاپس قومی یکجہتی اور عوام میں سیکیورٹی شعور پیدا کرنے میں اہم کردار ادا کرتی ہیں۔
مزید برآں، نوجوانوں کی شرکت مستقبل میں امن و استحکام کی ضمانت کے طور پر اہم سمجھی جاتی ہے۔