پنجاب حکومت نے میڈیا اور کاؤنٹر نیریٹو کی نوکریاں نکال دیں

صوبہ پنجاب میں سرکاری ملازمین کی بھرتی کے لیے مختلف شعبوں میں آسامیوں کا اعلان کر دیا گیا ہے۔
اس اقدام کا مقصد صوبے میں میڈیا اور کاؤنٹر نیریٹو حکمت عملی کو مؤثر بنانا ہے۔

میڈیا رپورٹس کے مطابق محکمہ داخلہ پنجاب نے بھرتی کا عمل شروع کر دیا ہے۔
یہ بھرتیاں میڈیا تھنک ٹینک فار ریزیلینس اینڈ کاؤنٹر نیریٹو انیشی ایٹو کے تحت کی جا رہی ہیں۔

اعلان کردہ عہدوں میں ڈائریکٹر میڈیا اینڈ کمیونیکیشن شامل ہے۔
ڈیٹا اینالسٹ اور میڈیا سیل سپروائزر کی آسامیاں بھی دستیاب ہیں۔
ویڈیو ایڈیٹر اینیمیٹر اور گرافک ڈیزائنر کے لیے بھی درخواستیں طلب کی گئی ہیں۔

اس کے علاوہ اردو اور انگریزی کانٹینٹ رائٹرز کی بھرتی کی جائے گی۔
سوشل میڈیا آپریشنز ایکسپرٹ بھی اس فہرست میں شامل ہے۔
کیمرہ مین فوٹوگرافر اور میڈیا مانیٹرنگ اسسٹنٹس کی آسامیاں بھی موجود ہیں۔

محکمہ داخلہ کے مطابق اہل اور تجربہ کار امیدواروں کو مارکیٹ کے مطابق پرکشش معاوضہ دیا جائے گا۔
بھرتی کا عمل شفاف اور میرٹ کی بنیاد پر مکمل کیا جائے گا۔

دلچسپی رکھنے والے امیدوار پنجاب جاب پورٹل کے ذریعے آن لائن درخواست جمع کرا سکتے ہیں۔
آن لائن درخواست کے بعد امیدواروں کو مکمل دستاویزات بھی جمع کرانا ہوں گی۔

درکار دستاویزات میں پرنٹ شدہ درخواست اور سی وی شامل ہے۔
شناختی کارڈ اور ڈومیسائل کی تصدیق شدہ نقول بھی لازم ہیں۔
تعلیمی اسناد تجربہ سرٹیفکیٹس اور دو حالیہ پاسپورٹ سائز تصاویر بھی درکار ہوں گی۔

تمام دستاویزات رجسٹرڈ کوریئر کے ذریعے سیکشن آفیسر جنرل محکمہ داخلہ پنجاب سول سیکرٹریٹ لاہور بھجوانا ہوں گی۔
درخواستیں جمع کرانے کی آخری تاریخ 5 جنوری 2026 مقرر کی گئی ہے۔