سپریم کورٹ کے سینئر جج جسٹس منصور علی شاہ نے کہا ہے کہ آرٹیکل 191 اے کے تحت عدالت سے دائرہ اختیار چھین لیا گیا ہے، کیا ہم سے یہ اختیار واپس لیا جا سکتا ہے؟ میڈیا رپورٹس کے مطابق جسٹس منصور علی شاہ کی سربراہی میں سپریم کورٹ کے 3 رکنی بینچ نے کسٹم ایکٹ کے سیکشن 221 اے کی ذیلی شک 2 کی آئینی حیثیت پر کیس کی سماعت کی، جس میں جسٹس عائشہ ملک اور جسٹس عرفان سعادت خان بھی شامل ہیں۔
سماعت کے دوران جسٹس منصور علی شاہ نے ریمارکس دیئے کہ ’یہ معاملہ آئین کی تشریح سے متعلق ہے اور موجودہ آئینی انتظام کے تحت اس بینچ کو یہ اختیار حاصل نہیں، لیکن سوال یہ ہے کہ کیا ہم سے دائرہ اختیار واپس لیا جا سکتا ہے؟ یہ عدلیہ کی آزادی کا معاملہ ہے، آرٹیکل 191 اے کے ذریعے عدالت سے دائرہ اختیار چھین لیا گیا ہے، اس عدالت کے اندر الگ بینچ کیسے بنایا جا سکتا ہے؟ یہ عدلیہ کی آزادی اور اختیار کی شقوں کے خلاف ہے، ہم پہلے اس معاملے کا جائزہ لیں گے‘۔
سماعت کے دوران وکیل صلاح الدین نے اپنا مؤقف پیش کرتے ہوئے کہا کہ ’عدالت سے دائرہ اختیار نہیں چھینا جا سکتا، مارشل لاء کے دور میں جب آئین معطل تھا تو عدالت نے ایسے اقدامات کو قبول نہیں کیا۔

سپارکو نے مقامی الیکٹرو آپٹیکل سیٹلائٹ ای او ون کو 17 جنوری کو لانچ کرنے کا اعلان کیا ہے۔

سپارکو کے ترجمان کے مطابق، پاکستان کا مقامی ای او ون سیٹلائٹ خلا میں ایک اہم پیشرفت ہے۔

انہوں نے مزید کہا کہ یہ سیٹلائٹ قومی ترقی کے لیے تیار کیا گیا ہے۔

ترجمان نے وضاحت کی کہ ای او ون کو قدرتی آفات کے جواب اور زراعت کی بہتری کے لیے ڈیزائن کیا گیا ہے۔

سپارکو کے مطابق، ای او ون شہری منصوبہ بندی میں بھی مدد فراہم کرے گا۔

انہوں نے یہ بھی کہا کہ ای او ون خوراک کی حفاظت اور پانی کے انتظام میں معاونت فراہم کرے گا۔ یہ سیٹلائٹ ملک بھر میں قدرتی وسائل کی نگرانی کو بہتر بنائے گا۔

ترجمان نے کہا کہ یہ مشن پاکستان کے خلائی پروگرام اور ٹیکنالوجی کی ترقی کو مزید مستحکم کرے گا۔